GMN TV Saude e Educação Governu seidauk deside reativa ensinu superior

Governu seidauk deside reativa ensinu superior

Governu liu husi Ministériu Ensinu Superior Siénsia no Kultura (MESSK), seidauk reativa prosesu aprendizajen prezensiál ba universidade sira, tamba maioria professor no estudante sira seidauk simu vasina doze daruak.

“ Ministériu Ensinu Superior Siénsia no Kultura, seidauk halo aula prezensiál ba ensinu superior ho nia razaun profunda maka, atu bele atinjimentu númeru vasinasaun ba doze 2 husi dosente no funsionáriu sira inklui estudante sira tenki atinjimentu doze 2 pela mais kompletu, atu ita reativa aula prezensiál”, hatete Ministru Ensinu Superior Siénsia no Kultura (MESSK), asuntu ne’e,ba JNDiário, hafoin partisipa reniaun Konsellu Ministru iha Pálasiu Governu, Kuarta (21/07/21).

Razaun MESSK seidauk bele reativa aprendizajen prenzensiál ba Universidade sira, tamba atu asegura estudante sira no dosente sira hosi virus variante foun ne’ebé dadauk ne’e espalla ona iha ita nia nasaun viziñu sira, Indonézia no Austrália komesa a’as bebeik.

“ Dalan úniku maka tenki vasina atu hasa’e ita nia imunidade atu bele satan propagasaun husi variante foun ,tamba ne’e mak  Ministériu Ensinu Superior Siénsia no Kultura , sei trava aula prezensiál ,hau fahe ona sirkular ba ensinu superior públiku no privadu sira ,atu dosente ho estudante sira bele simu vasina doze 1 ro’o 2” esplika Ministru Ensinu Superior Siénsia no Kultura.

Ministru Ensinu Superior Siénsia no Kultura, hatete, razaun Ministériu Ensinu Superior Siénsia no Kultura, seidauk reativa ensinu superior públiku no privadu sira, tamba professor no funsionáriu inklui estudante sira, seidauk simu vasina to’o doze da ruak.

Tamba ne’e, Ministériu Ensinu Superior Siénsia no Kultura, husu ba ajente administrasaun ensinu superior sira, atu simu vasina to’o doze 2 , nune’e bele reativa aula prezensiál iha ensinu superior sira.

Ministru Ensinu Superior Siénsia no Kultura, Longuinhos dos Santos, hatete, wanhira professor no estudante sira seidauk simu vasina, seidauk bele reativa aula prezensiál, tamba Governu antisipa variante foun tama Timor-Leste.

No iha Kuarta (21/07/21),ne’e, Eskola Sekundaria, Pré-sekundaria, Prímaria inklui Pré-prímária hamutuk  99 reativa ona prosesu aprendijajen prezensial, iha Munisipiu Díli no Baucau, hafoin suspende atividade prosesu ensinu aprendizajen iha fulan Marsu liu ba, tanba covid-19.

Desizaun Ministériu Edukasaun reativa atividade eskola hirak ne’e, tanba haree ba insidensia infesaun covid-19 iha Díli no Baucau laiha aumentu  signifikativu, no taxa partisipasaun professor iha vasina atinje ona pursentu 70.

Maske eskola sira ne’e reativa ona, maibe Ministériu Edukasaun Juventude no Desportu apela ba kada eskola, atu kontinua kumpri nafatin protokolu prevensaun Covid-19 hosi Ministériu Saúde. Tos


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker