GMN TV Saude e Educação MEJD: Pre-Eskolár no Ensinu Sekundáriu la obrigatóriu simu vasina

MEJD: Pre-Eskolár no Ensinu Sekundáriu la obrigatóriu simu vasina

10 views

Ministru Edukasaun Juventude no Desportu (MEJD), Armindo Maia, deklara, estudante Pre-Eskolar to’o Ensinu Sekundáriu laiha obrigatóriu atu simu vasina ne’ebé implementa husi Ministériu Saúde (MS), tanba estudante barak mak idade seidauk to’o 18, maibé enkoraja estudante sira ne’ebé idade to’o ona 18 ba leten atu simu vasina.

Razaun la obriga estudante Pre-Eskolar to’o Ensinu Sekundáriu atu tuir vasina, maibé governante ne’e deklara ba profesór no funsionáriu sira no mós estudante universitáriu sira tenke vasina, molok tama eskola hodi proteje-an husi coronavírus variante delta ne’ebé alastra ona iha nasaun viziñu no TL rejista ona ema na’in 4.

“Tuir despaisu husi ministériu hasai ba Pre-Eskolar to’o Ensinu Sekundáriu ne’e obrigatóriu vasina ba profesór no funsionáriu sira ba alunu sira, tanba ita hatenen katak ke 18 anos ba leten sekundáriu la dun barak entaun ida ne’e la’os obrigatóriu, maibé ita enkoraja nafatin ba alunu sira ne’ebé ke 18 anos ba leten atu ba tuir vasina, maibé la’os obrigatóriu”, dehan, Ministru Edukasaun Juventude no Desportu, Armindo Maia JNDiário iha edifísiu GMN, Sesta (23/07).

Maske nune’e antes ne’e, Eskola Sekundáriu Jerál balun iha kapitál Díli hasai ona deklarasaun ba estudante hotu tenke simu vasina molok tama eskola hodi tuir aula prezensiál, no ba estudante sira ne’ebé la vasina, eskola sei la autoriza hodi tuir prosesu aprendizajen.

Governante ne’e husu estudante no manorin sira, atu mantein kumpri regra prevensaun COVID-19 ne’ebé OMS no Ministériu Saúde implementa durante prosesu aprendizajen.

Dadus ne’ebé GMN asesa husi Ministériu Edukasaun Juventude no Desportu, eskola iha kapitál Díli hamutuk 197, husi númeru ne’e eskola 99 mak preparadu no prienxe ona kritériu atu hala’o prosesu aprendizajen no 98 ministériu haree molok reativa. Ina


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker