GMN TV Saude e Educação MS garante diretór HNGV asegura funsionamentu administrativu

MS garante diretór HNGV asegura funsionamentu administrativu

2 views

Ministra Saúde (MS), Odete Maria Freitas Belo, garante Diretór Ezekutivu  foun Hospital Nasional Guido Valadares  (HNGV) Alito Soares, iha espetativa ida  sei asegura nafatin funsionamentu administrativu, jerensiamentu no prestasaun kuidadu saúde ho kualidade no digñu.

“Ha’u nia lia menon ba Diretór Ezekutivu Foun HNGV, hahu husi tomada de posse ita bo’ot nudar premeira homen iha HNGV, Dotor la’os ema foun, tanba nia médiku espesialista Sirurjia Jerál, iha ospitál nasionál, no loron ba loron iha ambiente ospitál ne’e nia laran, tanba nune’e iha espetativa ida katak, sei asegura nafatin funsionamentu administrativu,  jerensiamentu no prestasaun kuidadu saúde,  ho kualidade no digñu”,Odete Maria Freitas Belo, hato’o lia hirak ne’e bainhira fó pose ba Diretór Ezekutivu foun HNGV, Segunda (26-07-2021).

Governante ne’e esplika, durante mandatu sei enfrenta dezafiu oi-oin, maibé ho esperiénsia, matenek, abilidade no kapasidade sei haforsa no hatutan nafatin no hadiak planu no programa sira ne’ebe durante ne’e implementa ona husi Diretór sesante.

Komisária Komisaun Funsaun Públika, Maria de Jesus, iha nia intervensaun hatete,  servisu hotu-hotu sempre hasoru defaziu, maibé tenke konsiente katak, ne’e mak lisaun ba apreende, no lisaun aprendida mak bele lori melloramentu.

“Diretór Ezekutivu foun ho liamenon ne’ebé mak hato’o atu garante ho forsa tomak hakarak atu halo mellhoramentu, ida ne’e mak ha’u hanoin ita hotu nia hakarak, tanba ita hatene katak, dalabarak liu fatin ida ne’e, problema, problema tanba ita ema hot-hotu nunka satisfeitu ho buat ida, ne’e sériu humanu normal, entaun atu responde ba situasaun sira hanesan ne’e presiza ita nia pasensia,” nia husu.

Diretór Ezekutivu foun, HNGV, Alito Soares promote, durante iha nia mandatu,  nia sei responsabiliza no hadia ospital nasionál iha nível tersiária no responsável ba nível sekundária nomós haree ba rekursu ne’ebé mak iha no atendementu klínika ba pasiente sira.

“Planu ne’ebé ita hanoin no ita prioridade liu ba iha unidade kardialojia, liga mós ba transferensia pasiente sira ba rai liur, tanba ita hatene katak gastu ne’ebe mak bo’ot tebes, maibé ha’u fiar katak, entidades hotu sei apoiu para ita bele estabelese unidade kardilojia, unidade ne’ebé importante mos unidade Onkolojia, Diagnostiku Histolojia, ne’ebé ita bele instala ba atu bele ajuda ita nia maluk sira ne’ebé mak sofre moras kankru”.

Iha seremónia tomada de posse ne’e,  entrega servisu husi Diretór Ezekutivu sesante Aniceto Cardoso Barreto,  ba Diretór Ezekutivu foun, no entrega mós sertifikadu lembransa ba Diretór ezekutivu sesante.

Seremonia ne’e partisipa mós husi Vise Ministru Saúde, Diretóra Jerál, reprezentante Organizasaun Mundiál Saúde, Padre Capelão,  reprezentante Komisaun F  Parlamentu Nasionál,  funsionáriu HNGV inklui konvidadu sira.eni

 


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker