GMN TV Saude e Educação MS: Pesoál saúde kontinua servisu iha pontu entrada sira

MS: Pesoál saúde kontinua servisu iha pontu entrada sira

0 views

Ministra Saúde (MS), Odete Maria Freitas Belo, hateten, ekipa saúde sei kontinua servisu iha pontu entrada no fronteira sira, hodi halo mitigasaun ba surtu COVID-19.

Odete Belo hato’o asuntu ne’e, relasiona ho preokupasaun parte seguransa nian, tanba durante ne’e polísia mak hala’o fali servisu saúde nian iha pontu entrada sira.

Governante ne’e konfirma, asuntu ne’e levanta mos iha Parlamentu Nasionál, maibé dadaun ne’e MS sei foka hela servisu vasinasaun ba komunidade sira iha territóriu. Maibé hafoin Timor Leste deteta variante foun Delta, Ministériu sei kontinua fali jestaun sira ne’ebé antes ne’e implementa ona iha pontu entrada sira.

“Ami koalia ona, haree para atu bele fila-fali ba jestaun sira uluk ne’ebé ita halo, atu bele haforsa ita nia fronteira, jestaun iha rai laran, kuarentena, izolamentu atu asegura moras ne’e labele as liu” konfirma Ministra Saúde, liuhosi Konferensia Imprensa iha CCD, Sesta (23/07).

Antes ne’e komandante PNTL interinu Munisípiu Díli, Superintendente João Sancho Pires hateten, governu tenke estabelese ona postu saúde provizóriu iha pontu entrada Tasi-Tolu, Kasanafar, Marabia no Metinaro, tanba dala barak sempre mosu dezentendimentu entre membru polísia ho komunidade kona ba servisu saúde nian.

Atualizasaun dadus ne’ebé GMN asesa husi pájina ofisial Ministériu Saúde nian, loron 24, fulan ne’e, rejista tan kazu konfirmadu foun 56, kazu rekuperadu 57, kazu ativu 725 no kazu kumulativu konfirmadu hamutuk 10.337.San


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker