GMN TV Saude e Educação MS: Sidadaun na’in haat kona variante Delta COVID-19

MS: Sidadaun na’in haat kona variante Delta COVID-19

2 views

Ministra Saúde Odete Maria Freitas Belo, hatete, Governu Timor-Leste liu husi Ministériu Saúde (MS), deteta sidadaun na’in 4 infetadu ho variante Delta COVID-19. Husi sidadaun na’in 4 ne’e Timor-oan na’in 3,  no na’in 1 sidadaun Indonézia.

“Aproveita Komunikadu Imprensa atu informa ba públiku katak rezultadu sekuensiasaun genómica husi amostra 300 ne’ebé Laboratoriu Nasional Saúde haruka iha dia 14 de Jullu de 2021 ba Peter’s Doherti Institute iha Melbourne, Australia, ho pedidu atu halo teste urjente ba amostra balun, hadutu katak amostra husi ema na’in  4 ne’ebé tama husi Indonézia iha dia 26 de Junho ho dia 8 de Julho, iha lineajen B.1.617.2 (Delta), variante ne’ebé preokupante, ka ‘’variant of concern’’, Odete Maria Freitas Belo hato’o informasaun ne’e liu husi Konferénsia Imprensa iha Sentru Integradu Jestaun Krize, Sesta (23/07/2021).

Odete Belo, esplika, sidadaun na’in 4 ne’e iha hotu fatin kuarentena no izolamentu, 1 negativu ona, no fila ona ba uma, na’in 3 sei nafatin sei iha izolamentu. To’o agora seidauk iha evidénsia katak variante ida ne’e, nakda’et ona iha komunidade.

“ Iha Señor ema Indonézia ida maka negativu no fila ona ba uma nain tolu nafatin iha sala izolamentu no nain rua asintomatiku no ida iha Vera Crus ho sintomas, Sidadaun Indonézia ne’e simu vasina kompleta ona, sidadaun Timor nain 3 foin simu vasina doze premeiru”,tenik nia.

Governante ne’e husu ba komunidade atu nafatin kuidadu-an, maske variante ne’e transmisivel, no variante ne’e sai prekupasaun ba nasaun hotu, maibe ninia prevensaun ne’e nafatin, no la ses husi uza nafatin m’askara, fase-liman ho sabaun no distánsia sosiál.

“Ita maka tenke tau atensaun maka’as ba ida ne’e, kuidadu nafatin ita-nia a’an tanba ita hotu tauk  no preokupa  ho variante foun ida ne’e, no prevensaun ikus liu ba ema tenke vasina. Ami atu hatete katak vasina la’ós virus ne’e atu mate husi ita, maibe atu fo imunidade ba ita hasoru moras ida ne’e no labele lori ita ba iha ospitál no labele oho ita, labele akontese mortalidade ne’ebé maka a’as iha ita-nia nasaun”,dehan Odete.eni

 


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker