GMN TV Saude e Educação Prosesu aprendizajen iha teritóriu nasionál la’o normál

Prosesu aprendizajen iha teritóriu nasionál la’o normál

Governu liuhusi Ministériu Edukasaun Juventude no Desportu (MEJD), deklara, Governu reativa prosesu ensinu aprendizajen prezensiál iha teritóriu nasionál Segunda (19/7/2021), la’o normal.

“Hahú iha loron 19 fulan Jullu, MEJD foti desizaun hodi reativa prosesu ensinu aprendizajen prezensiál iha Munisípiu Díli no Baucau”, dehan Ministru MEJD Armindo Maia, liuhosi komunikadu ba imprensa Kinta (16/07/2021) iha Vila Verde, Díli.

Governante ne’e afirma, Ministériu Edukasaun deside atu reativa ensinu aprendizajen prezensiál tanba haree ba insidénsia infesaun COVID-19 iha Díli no Baucau laiha aumentu ne’ebé signifikativu no taxa partisipasaun iha vasina aumenta ba bei-beik  no profesór iha Díli ne’ebé vasina ona kuaze pursentu 60 ne’ebé bele ajuda Ministériu atu reativa prosesu aprendizajen prezensiál.

Maibé reativasaun eskola ne’e ho kondisaun katak, eskola sira ne’ebé iha Díli no Baucau ninia taxa vasina entre profesór no fúnsionariu sira atinje ona pelo menus porsentu 70, nune’e Ministériu autoriza atu reativa prosesu aprendizajen prezensiál no ba eskola sira ne’ebé seidauk vasina atinje porsentu 70 presiza halo lai preparasaun atu profesór no funsionáriu sira tenke ba vasina pelo menus doze I hafoin MEJD autoriza atu reativa eskola”, haktuir Armindo Maia.

Ministru Edukasaun ne’e subliña, eskola hirak ne’ebé reativa nafatin kumpri protokolu COVID-19 hanesan uza máskara, distansiamentu sosiál no fíziku, fase-liman ho sabaun. Tempu hanesan mós ekipa hosi MEDJ nível sentrál no Munisípiu sei halo fiskalizasaun ba eskola sira atu haree kumpre ka la’e protokolu saúde no ba eskola sira ne’ebé la kumpri edukasaun sei foti medida hodi suspende atividade eskola.

“Totál eskola ne’ebé atu reativa hosi eskola hamutuk 197, iha eskola 99 mak reativa no eskola 98 mak seidauk bele reativa no eskola 99 ne’ebé reativa kompostu hosi edukasaun pre-eskolar (EPE) 41, Ensinu Báziku (EB) 36, Ensinu Sekundáriu Jeral (ESJ) 16 no Eskola Tékniku Vokasionál (ETV) 6 no ne’ebé seidauk reativa hamutuk 98 kompostu hosi EPE 19 EB 70 ESG 6 no ETV 3”,dehan nia.

Tuir dadus profesór ne’ebé simu ona vasina hamutuk 1498, profesór ne’ebé vasina ona foin atinje porsentu 47 no falta porsentu 53, tanba ne’e laiha razaun ba profesór no fúnsionáriu sira la simu vasina tanba Ministériu la autoriza maibé sira mai ho razaun lori atestadu médiku ruma dehan pesoal ne’e labele duni simu vasina.Fel


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker