GMN TV Saude e Educação Reitór UNPAZ: Ensinu aprendizajen la’o la loos implika ba kualidade rekursu umanu

Reitór UNPAZ: Ensinu aprendizajen la’o la loos implika ba kualidade rekursu umanu

Reitór Universidade da Paz (UNPAZ), Adolmando Amaral, husu Governu reativa ensinu aprendizajen ba eskola hotu no universidade sira, nune’e estudante sira bele aprende. Tanba bainhira ensinu apredizajen la’o la loos, sei implika ba kualidade rekursu umanu (RH) nasaun nian.

Adolmando Amaral, konsidera, subsídiu propinas ne’ebé Governu atribui ba universidade sira sei la iha folin, bainhira ensinu apredizajen paradu.

“Durante ne’e Governu estende Estadu Emerjénsia ba tempu naruk tebes, aumenta tan ho serka sanitária, aperta liutan ho konfinamentu obrigatóriu, halo atividade laiha, entaun prosesu aprendizajen iha Timor-Leste ne’e, hahu hosi konfinamentu ho serka sanitária ne’e kuaze laiha prosesu aprendizajen, ita haree ida ne’e situasaun ida perigu tebes, ameasa Timor-Leste ba futuru. Tanba liuhosi prosesu aprendizajen ne’e mak bele hanorin hodi prepara rekursu umanu ida ne’ebé mak kualidade, nune’e bele hatán ba ita-nia situasaun ne’ebé mak iha Timor. Se ita nafatin halo estadu emerjénsia iha tempu naruk, aumenta konfinamentu ho serka sanitaria, laiha prosesu aprendizajen, maka TL iha futuru sei la iha rekursu umanu ne’ebé di’ak, hodi hatan ba nesesidade TL nian rasik. Tanba ne’e mak Governu tenke haree ona kondisaun mínimu ne’ebé mak eskola sira prepara, para depois bele halo ona sirkulár para bele reativa”,afirma Reitór UNPAZ ne’e  ba GMN, Segunda (19/07/2021).

Akadémiku ne’e agradese ba Governu ne’ebé apoia ona subsídiu ba estudante sira.

“Agradese tanba Governu bele hakmaan netik estudante sira nian todan no mós ajuda ona inan-aman sira ba semester ida, maibe labele ho subsídiu ne’e depois ita impede tiha prosesu parendizajen la la’o”,tenik Adolmando.

UNPAZ simu ona transferénsia subsídiu hosi Governu, ba estudante hamutuk rihun sia resin, nune’e estudante sira hahú forma no konfirma subsídiu propinas ne’ebé Governu atribui iha universidade sira, hanesan DIT, UNPAZ no seluk tan.

Alénde ne’e, GMN mós tenta atu konfirma ho reitór Dili Institute Of Technology (DIT) kona-ba subsídiu ba propinas no kalendáriu reativa prosesu aprendizajen, maibe responsavel ba universidade refere la iha nia fatin.

Tuir avizu ne’ebé fó sai hosi Dili Institute of Technology (DIT) sei hahú nia ensinu aprendizajen iha loron rua, fulan Agostu, maibe ho rekizitu ida, estudante tenke lori kartaun vasina COVID-19, bainhira la iha kartaun vasina, sei la autoriza tama eskola.Say


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker