GMN TV Saude e Educação TLCE identifika eskola Filial porsentu 40 kondisaun la di’ak

TLCE identifika eskola Filial porsentu 40 kondisaun la di’ak

3 views

Kordenadór Timor Coalition For Education (TLCE), Jóse Monteiro, hatete, sira nia parte identifika kuaze eskola filial porsentu 40 eskola mak kondisaun la favorável ba estudante sira atu tuir prosesu ensinu aprendizajen tanba kondisaun grave.

“Iha tinan 2021 ne’e ha’u bele dehan iha eskola pusentu 40 mak kondisaun la diak ona atu uza ba prosesu ensinu aprendizajen no eskola hirak ne’e barak liu iha Munisípiu”, dehan Kordenadór TLCE Jóse Monteiro, ba JN-Diário  Kuarta (28/07/2021) iha Kaikoli Díli.

Koordenadór TLCE afirma, maioria eskola filial sira iha Munisípiu kondisaun la merese ona atu uza, maibé Profesór sira obriga de’it atu uza tanba dalaruma kalen eskola nian kuak Profesór ínisiativa taka nune’e hodi uza atu estudante sira  bele tuir aula.

“Edukasaun tenke konsiente katak, problema infraestrutura kuandu eziste ona tinan 20 presiza hadia no pior liu infraestrutura ne’ebé konstrui ho emerjensia no Edukasaun rasik la halo kalkúlu ba durasaun obra ba eskola sira bainhira mak halo manutensaun no bainhira halo foun no problema ne’e bainhira informa ba Ministériu Edukasaun Joventude no Desportu (MEJD) sempre fó razaun katak, planu mestre laiha no karik atu halo konstrusaun tenke halo ho kualidade diak”.

Jóse Monteiro subliña, Ministériu Edukasaun tenke hatudu kapasidade advokasia ida ne’ebé diak atu influensia Ministériu sira seluk, nune’e bele kontribui ba planu Ministériu nian atu hadia no rezolve problema infraestrutura eskola. Ezempu iha eskola Sekundario Geral 4 de Setembru komunidade okupa sala no hela iha áredores eskola nian MEJD la konsege hasai tanba ne’e kompeténsia Ministériu seluk nian.

“Impaktu negativu tebes ba prosesu aprendizajem formal, aprende ne’e iha dalam mós ita bele aprende ai-laran no Google mós ita bele aprende, maibé prosesu aprendijajem formal ne’ebé Governu kria iha mekanismu tenke diak atu estudante sira tuir aula ho seguru, tanba ne’e TLCE iha rekomendasaun ba MEJD atu aprezenta fundus orsamentu ba manutensaun no ba konstrusaun foun eskola  kada tinan pur volta 35 milloes dolar”.

Alende ne’e presiza atensaun lalais hosi Ministériu ba eskola sira ne’ebé iha Baguia no Baukau no Kasnáfar atu nune’e eskola bele reativa prosesu ensinu aprendijajem hanesan eskola sira seluk ne’ebé reativa tanba eskola rua refere laiha kondisaun no estudante sira oras ne’e tuir aprendijajem iha Sede Suku no balun iha professor nia uma. Fel


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker