GMN TV Saude e Educação AETL HALA’O MISA AÇÃO DE GRAÇA

AETL HALA’O MISA AÇÃO DE GRAÇA

0 views

Asosiasaun Enfermeiru Timor Leste (AETL) hala’o Misa ação de graça hodi komemora loron aniversáriu AETL nian ba dala 17, atu nune’e maromak bele haraik forsa ba enfermeiru sira ne’ebé hodi fo asistensia saúde ba pasiente sira durante tinan barak nia laran.

“Ami ezerse ami nia a’an ba moras kbi’it laek sira, no iha loron 16 de agustu nu’udar loron ne’ebé Asosiasaun Enfremerius Timor Leste hamrik , i ami senti katak, ho maromak nia forsa mak, ami bele halao ami nia servisu  desde tinan barak to’o ohin loron, ho momentu ne’e ami  husu ba maromak  tulun  nafatin ami, hodi hasoru ami nia servisu iha tempu tuir mai,”dehan Sekretáriu Jeral AETL, Santana Martins, ba jornalista GMN kuarta (16/08/17)  iha Hospital Nasional Guido Valadares (HNGV) Dili. Nia salienta, enfermeiru ne’ebé sira alista ba iha AETL, tuir númeru fiksu ne’ebé sira seidauk garante didiak,  mak oras ne’e dadaun hamutuk millaun tolu iha Timor laran tomak. Nia hatutan, alende sira hala’o misa solene, sira mós halo reflesaun ba servisu tomak, liu-liu  ba dezafiu tomak ne’ebé durante ne’e sira hasoru. Tuir sira katak, durante besik tinan lima nia laran AETL halo esforsu atu bele legaliza tiha kódigu deontolojia enfermeiru nian, ne’ebé durante ne’e públiku kestiona  atendimentu la diak ba pasiente sira. “Ami Enfermeiru deklara katak baze legal ida ba Enfermeriu to’o agora seidauk iha, liu mak kode etika ami nian iha Timor seidauk  aprova husi Governu,”realsa Sekretáriu Jeral AETL ne’e. Hatutan Santana, tuir estandar keperawatan  no mós estandar kompetensia ne’ebé mak defini hodi nune’e enfermeriu báziku ida ho Diploma 3 lisensiatura  no enfermeriu epsesialista ida, ne’ebé ema ida-idak hetan formasaun ho  ninia kompetensia tomak. Maibe to’o ohin loron polítika nasional Sestu (VI) Governu  nian ne’ebé defini tiha ona programa nasional. Maibe lamentavel tebes, agora mandatu VI Governu nian remata la konsege aprova dokumentu kode etika ba enfermeiru. “Tamba ne’e ami rekomenda ba Governu foun mai atu tau prioriedade ba dokumentu legal sira ne’ebé mak AETL pepara tiha ona hodi nune’e sai hanesan mata dalan ba  Enfermeriu sira, atu ezerse sira nia kna’ar , nune’e sai hanesan sasukat ida enferemeiru  nia kna’ar atu halo servisu,”akresenta Santana.Iha fatin hanesan, Enfermeiru Antigu Antonio Caleres Junior, afirma,  sira hanesan enfermeriu iha Timor Leste, senti urgullu, tamba enfermeiru nia partisipasaun iha ukun rasik a’an, balun mate iha ai laran , balun ruin hetan tiha ona, maibe balun seidauk. Ne’e duni enfermeriu kaer prinsipiu ida katak, tenki hala’o kna’ar ho pasiensia, kariedade, disiplina, no segredu. Nia deklara, maske enfermeiru barak mate tiha ona, maibe asosisaun  hamrik nafatin, hodi kontinua fo asistensia saúde ba maluk Timor oan tomak.“Tamba  ho enferemiru no doutor sira ne’ebé agora dadaun barak, ita espera ba oin  Timor Leste sei moris vida naruk, tamba iha ona ema ne’ebé bele  haree no kuidadu ita-nia moris,”eklarese Antonio.Oly


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker