Primeiru Ministru (PM) Rui Maria de Araújo, rekoñese paseintes sira sempre foti kestaun no la satisfas ho atendimentu mediku no pesoal saude sira, tanba dala wain pesoal saude sira la fo atensaun ba pasiente sira no seluk fali mediku sira trata paseinte hanesan fali instrumentu la’os hanesan ema.
PM Rui hateten, maske buka rezultadu peskiza iha fatin barak kona-ba satisfasaun pasiente sira nian, bele iha aimoruk bele iha fasilidade, maibe aspetu humanu rua ne’e inportante. “Ha’u apela ba ita hotu atu hili professional saude, aspetu humanu ho prestasaun saude inportante tebes, hodi refleksu ita nia simpatia no atensaun ba ema ne’ebe presiza ita nia servisu tekniku mak iha emerjensia atende moras ho hamnasa,” afirma PM Rui ba jornalista wainhira inaugura triajem banku urjensia iha Hospital Nasional Guido Valadares (HNGV), Sabadu (19/8/2017). Xefi Governu espera katak, infremeiru ho mediku sira nia hamnasa moras nia terus bele menus 50% no pasiente sira bele sente aligadu buat simples ne’ebe mediku no pessoal saude halo iha banku de urjensia ema sente dehan iha atensaun. PM Rui husu ba mediku no pessoal saude (PS) atu hakbesik ho mamr ba pasientes sira ne’ebe toba hela iha kama laran hodi tula liman ba sira no ajuda sira ho mamar no hamanasa. “Ohin loron parseiru fo apoiu ita inagura triajem banku do urjensia iha hospital, maibe professioanis ne’ebe servisu iha ne’e, atu servi pasiente, ita hatene ema sei kritika saúde, ita hotu tenke rekuñese limitasaun sa ida mak ita iha, problemas laos deit instituisionais estruturais, maibe problema iha idak-idak nia kapasidade,” hateten PM Rui Maria de Araújo. Ety
