GMN TV Saude e Educação GARANTE MOVIMENTU AMBULANSIA, HNGV SEI ESTABELESE SISTEMA TAXISTA KOOPERATIVA

GARANTE MOVIMENTU AMBULANSIA, HNGV SEI ESTABELESE SISTEMA TAXISTA KOOPERATIVA

0 views

Atu garante movimentu kareta ambulánsia inklui vizitante iha Hospital Nacional Guido Valadares (HNGV), laiha impedimentu mak planu HNGV iha tempu badak sei estabelese sistema taxista kooperativa.

Koordenador Seguransa HNGV, Costa Saldanha, rekoñese movimentu transporte liu-liu ambulánsia durante ne'e dala barak hetan impedementu ka la’o ladun diak tanba taxi barak mak halo movimentu iha area kareta parajen fatin HNGV no aat liu tan barak mak laiha konsiensia hodi para to’o oras ida ko rua.

"Ami rekoñese situasaun ida ne'e, ita iha ona liña koordenasaun ho ministériu ne’ebé relavante liu-liu Diresaun Nasional Transporte Tereestre (DNTT), hodi monta sinais tránzitu iha fatin-fatin, maibe ita-nia taxista balun laiha konsiensia hodi para arbiru, tanba ne'e ba ami iha ona planu ita sei estabelese sistema taxista kooperativa hanesan mos iha Aroportu ne’ebé ami sei fahe sticker ba taxi sira, ne’ebé husi sticker ne'e ita bele hatene taxi ne’ebé mak iha direitu atu tama iha ne'e no ida ne’ebé mak labele atu tama iha ne'e tanba se lae ita bele halo oinsa mos sira mai nafatin,"Koordenador Seguransa HNGV, Costa Saldanha ba jornalista sira iha nia servisu fatin HNGV, Bidau, Dili, Segunda (6/8/2018).

Costa haktuir, lolos HNGV iha regulamentu interna ne’ebé mak durante ne'e implementa ona, maibe maioria taxista sira ne’ebé tula pasiente inklui família pasiente mak laiha konsiensia hodi kontra.

"Ne'e problema ne’ebé mak ami infrenta durante ne'e, tanba regulamentu ne’ebé mak dadauk ne'e ami implementa ne'e regulamentu ida ne’ebé dirijente HNGV anterior sira halo kuaje tinan lima ba kotuk, ita mos iha ona hanoin atu halo tan regulamentu balun ne’ebé mak rigorozu liu-liu hanesan mensiona ona katak ami sei fahe sticker ba taxi balun deit atu nune'e labele mai hotu para iha ne'e,"Costa esplika.

Ba preokupasaun ne’e, Taxista, Franco da Costa Magalhães, promete sei hakruk ba regulamentu saida deit mak HNGV implementa bainhira la hamosu diskriminasaun ruma.

"Ha’u mai lori pasajeiru, tanba ne’e mai hatun lalais pois fila, ha’u labele para kleur, tanba ne'e ema barak mak sei mai, no kona ba atu fahe sticker ne'e ha’u prontu atu ami bele sente justu,"Franco da Costa hateten.

Observasaun JN-Diário ne'e iha terenu nota katak, HNGV nu’udar hospital top iha kapital nasaun ne’ebé lolos garante nia kualidade servisu, ambiente inklui seguransa, maibe oras ne'e dadauk sai fali terminal ba taxi sira tanba alende tula pasiente, taxi sira mos para hotu iha kareta parajen fatin, no aat liu tan balun para iha estrada kuaze oras ida to’o rua hodi hamosu engarafamentu.

Alende sai terminal HNGV mos sai fatin ba negosiante aifuan, tanba kuaje area HNGV nakonu ho negosiante aifuan hanesan hudi sabraka no seluk tan.Ola


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker