GMN TV Saude e Educação ME kontinua distribui livru didátiku ba eskola ensinu báziku

ME kontinua distribui livru didátiku ba eskola ensinu báziku

0 views

Ministériu Edukasaun Juventudi no Desportu (MEJD), liuhusi nia departamentu lojistika kontinua halo distribuisaun livru didátiku ba eskola ensinu báziku kintu ho sestu anu sira iha munisípiu hotu, inklui Rejiaun Autónomo Espesial Oekusse Ambeno-RAEOA.   

Livru didátiku hirak ne’ebé Ministériu Edukasaun Juventudi no Desportu distuibui kompostu husi disiplina sira mak hanesan matématika, istória, livru planu lisaun ba profesor sira no disiplina seluk tan.

Prosesu distribuisaun livru didátiku hirak ne’e ba eskola ensinu báziku kintu no sestu anu iha munisípiu sira ne’e hetan mós apoia ekipamentu husi governu australia liuhusi nia embaixador iha Timor Leste, Peter Roberts.

Ministériu Edukasaun Juventudi no Desportu, Dulce de Jesus Soares hato’o asuntu ne’e hafoin partisipa serimonia lansamentu ba distribuisaun livru ensinu báziku iha armajen Ministériu Komérsiu no Industria Bebora Díli, Kinta (23/8).

“Ohin Serimónia de lansamentu ba distribuisaun livru ba ensinu báziku kintu ho sestu anu ne’ebé mak tinan liubá la halo distribuisaun, ohin dader ita halo distribuisaun ba kuaze duzentus ital mil livrus ne’ebé mak sei haruka ba munisípiu hotu, inklui mós ba RAEOA. Importante tebes tanba ida ne’e relasiona ho kuríkulum ida ne’ebé mak ita halo revizaun no kompleta iha 2015, ninia implementasaun fazeadamente, tuir loloos to’o 2018 ne’e tenki to’o ona faze de implementasaun ba kintu ho sestu anu maibé infelizmente la halo distribuisaun livru maibé ita halo distribuisaun agora atu nune’e iha anu letivu foun 2019 profesor sira ho estudante sira bele iha livru hotu iha sira nia eskola ona”, Dulce de Jesus Soares esplika ba jornalista sira.

Embaixador Australia ba Timor Leste, Peter Roberts sente kontente tanba bele servisu hamutuk ho ministériu edukasaun hodi fó apoia ba distribuisaun livru hirak ne’e no promete sei kontinua halo parseria no kolaborasaun ne’ebé amizade ho Ministériu Edukasaun Juventudi no Desportu atu bele ajuda labarik sira iha Timor Leste.

Livru didátiku ne’ebé distribui ba munisípiu sira ne’e liu duzentus mil ital no oras ne’e dadaun iha munisípiu Liquisa kompleta ona prosesu distribuisaun no munisípiu sira seluk sei kontinua prosesu distribuisaun.ías


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker