GMN TV Saude e Educação Deskonfia fa’an formuláriu vaga, Odete sei konfirma ho rekursu umanu MS

Deskonfia fa’an formuláriu vaga, Odete sei konfirma ho rekursu umanu MS

0 views

Ministra Saúde, Odete Maria Freitas Belo, informa, nia parte sei konfirma ho rekursu umanu Ministériu Saúde (MS), tanba deskonfia funsionáriu balun fa’an formuláriu ba konkorente ba vaga husi MS nini’an, atu nune’e bele hetan informasaun ne’ebé loos.

"Kona-bá fa’an formuláriu ba aplikante sira ne'e, ha'u hanoin ha'u laiha informasaun kona-bá ida ne'e, maibé ida ne'e ha'u koko atu konfirma fila fali ho rekursu umanu, sé karik akontese duni buat ida ne'e, ha'u presiza konsulta fila-fali ho ami nia jurídiku, sera que ninia dalan mak ida ne'e ka la'ós," Ministra Saúde ne’e ba jornalista sira iha HNGV, Díli, Kinta (30-07-2020).

Governante ne’e dehan, nia parte fó komentáriu ou hatán ba buat ruma ne'ebé mak nia bele hatan ba jornalista sira nia pergunta.

"Klaru vaga la’o tiha ona, maibé ha'u la akompañia, vaga ne'e ekipa tékniku sira prosesa ona servisu ida ne'e", tenik nia.

Odete esplika, MS iha anterior atu loke vaga 300 resin ba públiku halo rekrutamentu,  momentu ne'ebá balun pasa no balun la pasa, tanba ne'e, iha tinan 2020, MS kontinua loke hikas vaga 100 resin ba públiku hodi halo rekrutamentu.

"Ita-nia graduadu ka graduada sira iha, sira prontu atu servisu, maibé ita nia situasaun mak seidauk ajuda ita para bele halo kontratu ho sira ka fó servisu ba sira atu ajuda ita", nia rekoñese.

Governante ne'e espera, iha tinan 2020 Governu ida ne'e iha ninia polítika ida ne'ebé di'ak, bele hala'o servisu ho normál ona, ho situasaun ne'ebé normál, nune'e bele hatán ema hotu nia preokupasaun, liu-liu kona-bá rekursu umanu.

"Tanba ha'u bele deklara katak, ita-nia alin sira ne'ebé termina ona sira-nia estudu ita halo kontratu de'it ho sira, ita hakarak servisu hamutuk ho sira lori sira sai hanesan funsionáriu públiku, atu nune'e, sira bele hetan treinamentu  no bele hetan servisu, fó duni rezultadu ne'ebé ita bele sukat", relata Ministra Saúde ne’e. eni


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker