GMN TV Saude e Educação Governu sei limita sidadaun estranjeiru tama Timor-Leste

Governu sei limita sidadaun estranjeiru tama Timor-Leste

0 views

Ministériu Saúde (MS), Ministériu Negósiu Estranjeiru no Kooperasaun (MNEK), no Ministériu Interior (MI), hahú prepara ona diploma konjunta hodi limita sidadaun estranjeiru sira tama mai teritóriu Timor-Leste (TL).

“Durante ne’e ema ne’ebé tama mai TL semana ida iha loron Kuarta besik 100, tamba ne’e atu halo limitasaun, sei asina uluk diploma konjunta, hafoin los ona no publika, ne’e sei limita ema tama mai TL,”dehan, Ministra Saúde, Odete Maria Belo, iha Palásiu Governu, Segunda (10/08/2020).

Governante ne’e esplika, Primeiru Ministru (PM), hala’o enkontru ho liña Ministerial sira, hodi koalia kona-ba tempu loke kuarentena, sasan importasaun, oinsa atu halo jestaun ba kuarentena sira, no koalia mós kona-ba Ministeru Saúde nia kondisaun no disponibilidade, atu simu ema ne’ebé tama husi pontu entrada sira.

Governante ne’e subliña, PM mós husu, ba MS, MNEK, inklu MI, atu haree kona-ba kazu pozitivu ida ne’ebé akontese foin lalais ne’e, atu mantein ho situasaun agora ou atu estabelese fila fali sala situasaun.

“Tuir ha’u nia hanoin tuir informasaun ne’ebé mak iha, ho teste ne’ebé mak ita halo, bele dehan katak, propagasaun ne’e la akontese iha ita nia rai laran, virus ne’e importa tamba ne’e, atu efisienti no ativu liu tan ita mantein ho situasaun agora, MS kolabora ho MNEK no MI, atu nune’e bele tau matan iha liña fronteira”,afirma, Ministra Odete.

Odete haktuir, la presiza ona atu loke fila fali Sentru Integradu Jestaun Krize (SIJK), tamba MS mak sei halo hela servisu, kordena ho MNEK, MI no ekipa husi SIJK prontu atu apoiu MS, hodi elabora protokolu ruma, bazeia ba dekretu lei ne’ebé mak iha.

“Ita iha kuarentena iha Mota-ain, infelismente iha tasi tolu la’os kuarentena maibé izolamentu, ita laiha kazu pozitivu entaun fatin ne’e uza ba kuarentena, tamba ne’e, fatin kuarentena iha Tibar, Suai, Oecusse seidauk iha fatin kuarentena maibé, ho orsamentu COVID-19 nian ita aluga ótel sira hodi, akomoda sidadaun sira ne’ebé tama husi fronteira Oecusse”,haktuir, Odete Maria.

Ministra ne’e informa, fatin kuarentena dadaun ne’e, iha kuartu ida iha kama ba ema nain rua, tamba ne’e, MNEK sei halo kordenasaun ho konsoladu iha kupang, hodi haree kada loron ema nain hira mak tama mai TL, atu nune’e tama mak depende ba MS nia disponibilidade atu simu ema iha fatin kuarentena.

“Sé Ministériu tolu ne’ebé servisu hamutuk ona, ami hanoin iha fatin kuarentena kada kuartu ida ema ida, ho nune’e bele limite ema nia entrada atu nune’e bele depende ba ita nia kondisaun”,afirma, Ministra Saúde. Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker