GMN TV Saude e Educação HNGV la autoriza inan sira fó susu-been formula ba bebé

HNGV la autoriza inan sira fó susu-been formula ba bebé

0 views

Xefe Departamentu Kontrolu Kualidade Hospital Nacional Guido Valadares (HNGV), Sara Maria, la autoriza inan sira fó susu-been formula ba bebé ne’ebé foin moris, tanba bebé ne’ebé mak foin moris presiza konsumu susu-been inan nini’an.

“Ami la autoriza atu inan sira fó ai-han seluk ba bebé, autoriza de’it só inan nia susu-been, enkuantu ba inan sira ne’ebé partu iha ospitál no inan sira ne’ebé sira nia baby tenke mai baixa iha ospitál, lori bibiron ho susu-been formula, mai ami nia pesoál saúde sira, tantu médiku enfermeiru, parteira sira sei foti no ami sei soe hotu ba iha lixu”, Xefe Departamentu Kontrolu Kualidade HNGV ne’e ba jornalista sira iha ninia kna’ar fatin, Bidau-Díli, semana ne’e.

Sara mós kontinua alerta ba inan sira atu fó susu-been inan nini’an ba bebé,  hahú husi bebé moris to’o fulan neen.

“Ami enkoraja inan sira atu fó susu-been inan ni’an ba bebé hahú husi sira moris mai to’o fulan neen, tanba benefísiu husi susu-been inan ni’an ne’e, importante teb-tebes ba kresimentu dezenvolvimentu bebé alende fíziku mós ba nia mentalidade”, tenik Xefe Departamentu Kontrolu Kualidade HNGV ne’e.

Sara informa, benefísiu husi susu-been inan nini’an ne’e importante tebes ba kresimentu no dezenvolvimentu bebé, alende fíziku no mentalidade bebé ni’an.

 “Susu-been inan ni’an ne’e mais seguru baratu efetivu no kualker tempu de’it disponivel para inan sira atu fó ba bebé sira, tanba hahú husi bebé foun moris mai to’o bebé fulan neen bebe nia instetinu ne’e só simu de’it ai-han susu-been inan ni’an, la simu ai-han seluk hanesan sasoro-been hanesan bee, masi-midar, hanesan formula. Benefísiu husi susu-been inan ni’an bebe sira bele hetan ba sira-nia dezenvolvimentu fiziku no mentalidade, tanba susu-been inan ni’an ne’e nutriente ne’ebé di’ak no kontein vitamina ne’ebé di’ak bele oferese mós imunidade ba bebé sira, hodi kontra infesaun diarea no infesaun bias respiratores no moras sira seluk tan”, tenik nia. eni


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker