GMN TV Saude e Educação Kuarentena Tasi Tolu ladauk priense kritériu OMS

Kuarentena Tasi Tolu ladauk priense kritériu OMS

0 views

Koordenadora Jerál Komisaun Prevensaun COVID-19 Ministériu Saúde (MS), Odete Viegas da Silva, rekoñese kuarentena iha Tasi Tolu ladauk priense kritériu husi Organizasaun saúde Mundiál (OMS), liu liu iha parte saneamentu (haris fatin-red).

"Loos duni ita mós hetan komplain husi ita nia maluk sira ne'ebé asesu iha kuarentena, loos duni preokupasaun hirak ne'e pertinente hotu, maibé ita mós sempre iha umanu hasoru difikuldade ba iha prosesu administrasaun, maibé ita nafatin buka atu hadia, tanba to’o ohin loron realidade buat barak mak sei hadia, tanba kuarentena ne'ebé iha seidauk priense kritériu husi OMS", Koordenadora Jerál Komisaun Prevensaun COVID-19 MS ne’e ba jornalista sira iha ninia servisu fatin Caicoli-Díli, Kuarta horiseik.

Odete subliña, kondisaun kuarentena Tasi Tolu dezde inísiu hanesan ne'e kedas mai to’o ohin loron, tanba kondisaun hirak ne'e liga ba iha aprovizonamentu iha prosesu infraestrutura dezde Estadu Emerjénsia (EE) to’o agora buat barak mak seidauk bele rezolve.

Governu halo ona diskusaun ba jornada orsamentu, tanba ne'e, MS sei tau mós prioridade iha kuarentena Tasi Tolu, nune'e bele kompleta fila-fali fasilidade ne'ebé sei falta.

"Ita sei iha posibilidade para atu hadia fasilidade, liu-liu iha haris-fatin, atu oinsá aumenta hikas haris-fatin, nune'e kuartu ida ita tau haris-fatin ida no kama ida, nune'e ema sira hela iha kuarentena ne'e bele hetan kondisaun tuir kritériu OMS ni’an", promete Koordenadora Jerál Komisaun Prevensaun COVID-19 MS.

Nia husu nafatin mós ba entidade hotu ne'ebé tama iha kuarentena, buka oinsá atu apoiu malu.

"Ita krítika ne'e normal, maibé krítika hamonu malu ne'e ladun di'ak, tanba profesionál sira mós ema dalaruma servisu ne'ebé ultrapasa ona sira-nia obrigasaun no dever ne'ebé iha, maibé situasaun mak ne'e, ita buka kestaun ruma ne'ebé ladun satisfas, ita fó hanoin malu nune'e ba oin hadia di'ak liu tan", tenik Odete.

Nia informa mós katak, hahú husi inísiu MS la autoriza família sira atu ba vizita sira-nia ema iha kuarentena, tanba ema sira iha kuarentena ne’e mai husi zona afeitadu, nune'e MS nunka autoriza. eni


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker