GMN TV Saude e Educação Laiha doutór, Pasiente rua mate iha Postu Saúde Dato-Tolu

Laiha doutór, Pasiente rua mate iha Postu Saúde Dato-Tolu

0 views

Xefe Suku Dato-Tolu, João Agustinho Resi, hatete, iha semana rua liu ba pasiente na’in rua tenke mate, tanba laiha doutór ida hodi salva sira-nia vida. Tanba ne’e, husu ba Governu atu koloka doutór iha postu Saúde Dato-Tolu, Postu Administrativu Fohorem, Munisípiu Covalima hodi atende populasaun sira.

“Durante tinan barak ona postu Saúde iha suku ne’e laiha doutor ida atu halo atendimentu ba komunidade sira liu-liu sira ne’ebé mak inan isin-rua sira atu partus ne’ebé durante ne’e pasiente nain 2 mak la konsege salva sira nia vida, tanba doutor laiha atu atende, iha duni pesoal saude ni'an, maibe nia hanesan enfermeiru de'it ne’ebé situasaun ida ne’e ha'u hato’o ona ba Sentru Saude Covalima, maibe seidauk iha resposta,” hateten João Agustinho Resi ba GMN iha Suku Dato-Tolu Domingu, iha Munisipiu Covalima (09/08).

Tuir Autoridade ne’e katak Postu saude Dato-Tolu dau-daun ne’e iha enfermeiru ida mak halo atendimentu saude ba komunidade iha Suku refere, maibe kona-ba ambulansia ba postu ne’e laiha, nune'e wanhira komunidade ruma moras grave susar atu evakua la-lais ba Sentru Saude Covalima, tanba distansia dook.

Alende Xefe Suku ne’e mos  preokupa ho kondisaun Eskola Baziku Filial Dato-Tolu, tanba aat ona.

“Dau-daun ne’e  ami nia kondisaun Eskola Baziku Filial Dato-Tolu nia didin lolon ne’ebé uza piku no arame hahu kuak no dodok dau-dauk ona, inklui kuadru laiha no Edifisiu eskola ne’e harii iha tinan 2016, no agora nia kondisaun aat ona, tanba eskola refere nia didin lolon ne’ebé uza piku no arame hahu kuak no dodok dau-dauk ona, inklui kuadru laiha", imforma João.

Iha fatin hanesan Koordenador Eskola Baziku Filial Dato-Tolu, Francisco da Silva, husu Governu atu halo reabilitasaun ba eskola refere, tanba kondisaun didin lolon no plafon sira mos aat hotu ona, tanba eskola ne’e didin lolon uza piku no arame, inklui kuadru laiha, maske ami hato’o ona situasaun ne’e ba parte Edukasaun Munisipal, maibe to’o agora seidauk iha resposta ruma.

Enkuantu eskola refere iha estudante hamutuk 70 resin, maibe husi númeru ne’e estudante ne’ebé ativu hodi tuir prosesu aprendizajen 50 resin de’it, ho profesor nain 6, kompostu husi kontratu na'in 4 no permanente na'in 2. aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker