GMN TV Saude e Educação MS sei destaka pesoál sa’ude iha fronteira

MS sei destaka pesoál sa’ude iha fronteira

0 views

Ministra Saúde, Odete Maria Freitas Belo, hateten, Ministériu Saúde (MS) sei destaka pesoál saúde sira iha liña fronteira, hodi halo atendimentu ba ema hirak ne’ebé mak tama mai Timor-Leste relasiona ho surtu Corona Virus Disease 2019 (COVID-19) ne’ebé mak dau-daun ne’e sai problema mundiál.

Maibé pesoál saúde ho médiku ne’ebé mak sei destakadu iha munisípiu tolu (3) hanesan Bobonaro, Covalima no Oe-Cusse ne’e, maibé depende ba iha Sentru Saúde ou Diretór Saúde ne’ebé servisu iha ne’ebá, sira husu númeru pesoál saúde ho médiku ne’e hira, tanba sira mak halo jestaun ba iha rekursu umanu.

“Sim ita prepara, depende ba iha Sentru Saúde ou Diretór Saúde ne’ebé servisu iha ne’ebá sira husu hira, tanba sira mak halo jestaun ba iha rekursu umanu no sira mak hatene rasik sira-nia área kobertura, entaun prontu ami hein sira halo pedidu mai, koloka tuir saída mak sira husu, ita hakarak pedidu ne’ebé mak mai ne’e ema ne’ebé hela duni iha Suai, ita lakohi atu lori fali ema husi Baucau ka Díli, tanba orsida difikulta sira-nia hela fatin, ita iha esperansa katak enfermeiru, médiku iha iha Maliana sira mak servisu iha Suai”, Governante ne’e ba jornalista sira iha Postu Saúde Maloa (PSM), bainhira fahe ekipamentu protesaun COVID-19, Kinta semana ne’e.

Odete akresenta mós katak, nia parte halo ona vizita ba fatin kuarentena Batugade-Bobonaro, hodi haree diretamente kondisaun kuarentena refere, no promete sei hadia kondisaun kuarentena refere, antes destaka pesoál saúde iha área refere.

“Ha’u ba vizita, hodi haree diretamente kondisaun kuarentena iha Batugade, loos duni iha ne’ebá presiza ita haree apoiu lojístika ruma i ita mós presiza hadia kondisaun uma ne’e, tanba wainhira atu tau ema ruma iha ne’ebá presiza buat hotu tenke kompletu”, tenik Ministra Saúde ne’e.

Entretantu Prezidente Republika (PR), Francisco Guterres “Lú Olo”, dekreta ona Estadu Emerjénsia (EE) dahaat, hahú iha loron 6, fulan Agostu,  no sei remata iha loron 4, fulan Setembru, tinan ne’e. eni


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker