GMN TV Saude e Educação Funsionáriu HNGV 116, no Marí Alkatiri pozitivu COVID-19

Funsionáriu HNGV 116, no Marí Alkatiri pozitivu COVID-19

613 views

Diretur Ezekutivu Hospitál Nasionál Guido Valadares (HNGV), Alito Soares, hatete, funsionáriu HNGV hamutuk na’in 116, mak pozitivu COVID-19, husi númeru ne’e, maioria enfermeiru no enfermeira, médiku, parteira, farmásia, lojístika, administrasaun ho diresaun sira seluk tan.

“Husi númeru sira ne’e, maioria enfremeira, infermeiru hamutuk 53, médiku 26, sira seluk ne’e iha parteira, farmásia, lojístika, cleaner, teknis AD oksizenu balun husi São João de Deus nomós balun husi administrasaun ninian,”informa Diretur Ezekutivu HNGV, iha nia knaar fatin, Bidau, Tersa (24/08).

Alito esplika, pasiente sira ne’e balun iha kuarentena no balun auto izolamentu iha uma, maibé sira hotu nia kondisaun saúde estável.

Ho númeru kazu ne’ebé aumenta aas, impaktu mós ba servisu atendementu iha Ospital Nasionál.

“Ne’e afeita tebes tanba 116 ne’e médiku ho enfermeriu afeitu ba atendementu númeru sira, ne’e mak konsellu ho ekipa nia hanoin hodi halo rekrutamentu ita tenki apoiu la’os konsellu de’it, maibé husu ba Nasionál para atu apoiu para responde” dehan nia.

Marí Alkatiri infetadu COVID-19

Eis Primeiru Ministru, Marí Alkatiri ho nia família dadaun ne’e pozitivu COVID-19, tanba teste rastreiu ne’ebé hala’o husi ekipa konjunta saúde, rezultadu hatudu infetadu COVID-19.

“Maluk doben sira hotu, Camaradas ka Adversários, liu-liu ba ha’u nia oan ka bei-oan doben sira iha Timor-Leste tomak, atu kuidadu an ba. Favor hadok-an husi COVID-19 agora ho variante Delta. Ha’u mos hatene, ho ha’u nia esperiênsia rasik, atu hadok nusa de’it ita nunka bele livre 100%. Maibé sempre diak liu. Agora ha’u atu dehan ba Povu tomak katak ha’u rasik infetadu ona. Ha’u nia espoza no oan feto mós infetadu. Ha’u la moe atu hatete ba públiku realidade ida ne’e” deklara Marí Alkatiri, liu hosi nia pájina ofisiál Facebook (FB) iha Tersa (24/08).

Sekretáriu Jerál Partidu FRETILIN ne’e hatete, tenke brani hasoru dezafiu oi-oin, hanesan mós dezafiu ne’ebé dadaun ne’e mosu iha mundu inklui Timor-Leste.

“Hori uluk, hori ohin ita sempre brani hasoru dezafius oi-oin. Dezafius mai husi tasi, mai husi foho, mai husi laloran ka rai okos. Ita hasoru maibé sempre manan biar balu, barak tebes maka sakrifika sira nia aan rasik. Hotu hatene iha loron hirak liu ba ha’u dehan COVID 19 tama ona ha’u nia uma. No ha’u nia bei-oan tolu maka infetadu. Ha’u dehan, ha’u sei diak hela iha tempu ne’ebá” tenik nia.

Husi parte seluk fontes konfirmadu ba GMN hatete, loos duni Sekretáriu Jerál FRETILIN, Marí Alkatiri infetadu COVID-19.Eni


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker