GMN TV Saude e Educação Governu suspende prosesu aprendizajen EB

Governu suspende prosesu aprendizajen EB

211 views

Ministru Edukasaun Juventude no Desportu (MEJD), Armindo Maia, hatete, Governu deside suspende hikas prosesu aprendizajen ba Ensinu Báziku (EB) (Ensinu Pre-Primária, Ensinu Báziku 1 2 3 síklu, no ensinu Sekudária) no kansela ezame segundu períodu nian, tanba identifika alunus iha Díli na’in 50 infetadu COVID-19.

“Ami mos lakohi atu foti desizaun ida ne’e, maibé situasaun obriga ita, ita foti desizaun ida ne’e tanba, ita lakohi labarik sira da’et malu, da’et husi família ba eskola sira da’et malu iha ne’ebá, tanba iha eskola ida de’it,” Armindo Maia, hato’o asuntu ne’e ba Jornalista sira iha Palásiu Governu, Kuarta (18/08),  hodi klarfika kona-ba Governu suspende hikas prosesu aprendizajen.

Maske nune’e Armindo Maia la esplika detalha estudante afetadu COVID-19 husi eskola ida ne’ebé no feto hira no mane hira.

“Ha’u lakohi temi eskola ida ne’ebé deteta positivu na’in 50, ha’u labele hatete eskola ida ne’e, maibé eskola ne’e iha Díli laran” afirma nia.

Periodu suspensaun ba prosesu aprendizajen implementa hahú husi loron 17 to’o loron 31 fulan Agustu tinan ne’e.

No atu reativa fali prosesu aprendizajen, bainhira iha ona rezultadu avaliasaun no informasaun husi Ministériu Saúde ho pareser husi Sentru Integradu Jestaun Krizi no mós autorizasaun husi Ministériu Edukasaun Juventude no Deportu.

Durante períodu suspensaun, estudante sira estuda de’it matéria rezumu sira ne’ebé mak MEJD fahe ona ba Diretúr Eskola sira iha semana kotuk hodi bele estuda de’it iha uma nomós kontinua estuda liu husi Online.

Ensinu Superiór kontinua aula prezensiál

Ministériu Ensinu Superiór, Siénsia no Kultura (MESCC), Longuinhos dos Santos, hateten, Ensinu Superiór sira la suspende prosesu aula prezensial, tanba seidauk iha rekomendasaun husi Ministériu Saúde (MS), nune’e Ensinu Superior sira kontinua hala’o atividade aula ho normál.

“Husi Ensinu Superior nian, ita hein hela rekomendasõens husi Ministériu Saúde, ita sei halo karta ida ba Ministeiru saúde atu fó rekomendasoens ida kona-ba suspensaun atividade reativa prejensiál ba ensinu superior nian, nune’e ita hein” informa Governante ne’e, iha Palásiu Governu, Kuarta (18/08), hafoin partisipa iha reuniaun Konsellu Ministru.Lau


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker