GMN TV Saude e Educação MS Odete rejeita fó komentáriu kona-ba inan-isin rua mate iha Vera Cruz

MS Odete rejeita fó komentáriu kona-ba inan-isin rua mate iha Vera Cruz

436 views

Ministra Saúde (MS) Odete Maria Freitas Belo, desmente fó informasaun ba lamentasaun família, ho sosiedade sivíl, kona-ba inan na’in tolu isin-rua ne’ebé mate iha sala izolamentu Vera Cruz.

“Ohin ne’e ita mai partisipa iha selebrasaun loron Falintil nian, agora imi mai husu fali kona ba servisu nian, kona ba servisu nian husik ba Segunda, ita la halai,” rejeita governante ne’e, bainhira partisipa iha seremónia selebrasaun loron FALINTIL nia ba dala 46, iha Kuartel Jerál F-FDTL Fatuhada, Sesta (20/08) .

Iha inísiu fulan Agostu ne’e, inan isin-rua na’in tolu ho bebé, tenke lakon sira nia vida husi profesionál saúde nia liman, hafoin tranfere husi Hospitál Nasional Guido Valadares (HNGV) ba sala izolamentu Vera Cruz, hodi halo operasaun.

Husi inan nain tolu ne’e mak hanesan Serafina Gomes ho nia bebé mate iha loron (10/08), kontinua fali iha loron (17/08) Anita Maia ho nia bebé mós mate iha Vera-Cruz, hafoin halo operasaun, ikus iha loron (18/08) mate tan inan ho oan iha sala izolamentu Vera Cruz.

Família ho sosiedade sivíl mós,  lamenta ho Jestaun servisu, atendimentu profisionál saúde sira nia, iha ospitál nasionál, ne’ebé la fó prioridade uluk ba salva pasiente ho bebé nia vida, maibé aplika uluk teste PCR, nune’e atraza atende pasiente inan isin-rua sira, tanba tenke hein rezultadu husi teste PCR ne’e.

To’o oras ne’e TL rejista kazu óbitu COVID-19 hamutuk ema na’in 42, kazu ativu 2.882, kazu rekuperadu 10.776 kazu kumulativu konfirmadu 13.700.Eni


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker