GMN TV Saude e Educação MS: vasina AstraZeneca “balun a’at”

MS: vasina AstraZeneca “balun a’at”

47 views

Ministra Saúde (MS), Odete Maria Freitas Belo,  rekoñese vasina AstraZeneca iha vial (Botir ki'ik-oan) balun a’at, ne’ebé durante oferese ona ba sidadaun balun.

“Vasina ida ne’e loos duni a’at kedas iha tempu ne’ebé mak ita hetan inundasaun, bainhira kuandu udan tau bo’ot” konfirma Governante ne’e, hodi responde ba pergunta deputadu sira nian, bainhira partisipa iha plenária eatraordinária Tersa (10/8), iha PN.

Nia klarifika, problema ne’e akontese tanba implika husi liña elétrika ne’ebé lakan la estável, nune’e ikus mai impaktu ba temperatura konzeladór ne’ebé rai vasina ba.

“Tuir informasaun ne’ebé mak tékniku sira hato’o, iha eletrisidade ne’ebé mak la estável, prontu ikus mai sira nota katak, iha vial ida ka rua ne’ebé mak konzeladu” Ministra Saúde ne’e esplika.

Mesmu vasina balun aat, maibé laiha efeitu ba sidadaun ne’ebé konsege hetan vasina ne’ebé aat ne’e.

“Nia-nia efeitu ka atu estraga ema laiha, maibé ninia efikasia ne’e mak laiha, tanba nia konzela tiha ona” tenik nia.

Ministru Prezidensia Konsellu Ministru, Fidelis Leite Magalhães mos informa ona ba Primeiru Ministru, Taur Matan Ruak, atu orienta ekipa, hodi halo investigasaun ba kazu ne’e.

Vasina balun aat, ekipa vasinasaun suspende ona

Diretór Ezekutivu Hospital Nacional Guido Valadares, Alito Soares hatete,  iha loron (15/06) ekipa vasina HNGV identifika vasina vial balun husi box tolu mak nakfilak ona ba jelu.

“Ekipa Vasina iha Diresaun HNGV ninian identifika vasina vial balun no botir balun husi box tolu kaixa ida, vial 2, kaisa segunda iha vial 2, kaisa ida ikus liu vial ida, maka sira deteta dehan sai tiha jelu, ekipa vasina ne’e rasik relata ba iha Xefi departementu farmásia, no iha momentu ne’e kedas ekipa husi Organizasaun Mundial Saúde (OMS)ho Diresaun HNGV, hodi suspende no izola kedas kuarentena vasina vial no la kontinua vasina ba ita nia ema sira,” Alito Soares ba GMN iha nia knaar fatin, Bidau, Tersa (10/08).

Nia esplika, vasina vial ne’ebé hetan estragus kauza husi inundasaun ne’ebé akontese iha fulan abril liu ba no mós impaktu husi elektrisidade ne’ebé mak lakan mate. Say/Eni

 


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker