Governu liu hosi Ministériu Edukasaun Juventude no Desportu (MEJD), planeia sei konstrui ba eskola sira iha territóriu Timor hamutuk 221, iha hahú iha tinan 2021 ne’e.
“Ministériu Edukasaun no desportu iha responsabilidade atu implementa ba projeitus infraestrutura Edukativu hamutuk 221 Eskolas no provolta 680 salas de aulas,” hateten Vise MEJD, António Guterres, Kuarta (11/08) iha nia kna’ar fatin, Vila-Verde Díli.
Implementasaun projetu sira ne’e iha munisípiu sira seluk hamutuk 196, no Díli sei hari’i eskola 16.
Projetu sira ba konstrusaun eskola ne’e nia BoQ, aprova ona husi Ajénsia Nasionál Dezenvolvimentu (ADN), ho nia montante orsamentu millaun USD 20 resin, ne’ebé sei konsetra ba infraestrutura no transparénsia públika.
“Projetu sira ne’e hotu hetan aprovasaun ona no iha tempu badak Ministériu Edukasaun sei implementa ida ne’e,” tenik nia.
Husi projetu 221 ne’e, iha eskola balun halo deit rehabilitasaun, no balun konstrui foun, eskola sira ne’e mak nível pre-eskolar, sekundáriu jerál no tékniku profesionál.Lau
