Governu Austrália sei oferese tan vasina AstraZeneca doze rihun limanulu resin, iha semana ne’e, sei to’o iha Timor Leste (TL).
Portavoz komisaun interministeriál ba implementasaun vasina COVID-19, Danina Coelho hatete, vasina ne’ebé Austrália apoiu ne’e, sei haruka ba Munisípiu Baucau, tanba komunidade besik rihun limanulu mak seidauk simu vasina.
“Baucau sei falta kuaze sinkuenta mil pessoas mak atu vasina iha baucau nune’e iha semana oin ita sei avansa ho kampanha intensivo iha Baucau no Semana oin ita sei simu numero ida que boot husi Austrália” informa Danina Coelho, iha salaun Ministériu Solidariedade Sosiál no Inkluzaun-MSSI, Caicoli-Díli Sesta (06/08).
Vasina COVID-19 ne’ebé Governu simu ona desde loron 5 fulan Abríl, tinan ne’e hamutuk doze (514,650), kompostu husi astraZeneka doze (277,850) husi Austrália, Covax AstraZeneka doze (124,800) husi Nova Zelandia, Sinovac doze (100.000) husi Xina, no doze rihun (12,000) husi Portugál.Lau
