GMN TV Saude e Educação Odete Viegas: Rekoñese HNGV hasoru difikuldade barak

Odete Viegas: Rekoñese HNGV hasoru difikuldade barak

0 views

Diretora Jeral Prestasaun Saúde (DJPS), Ministériu Saúde (MS), Odete Viegas, informa, Hospital Nacional Guido Valadares (HNGV), hasoru difikuldade barak hanesan espasu limitadu oinsa akumula pasiente ho númeru aas.

“Ita hatene katak HNGV mós infrenta difikuldade barak. Ita haree katak kapasidade sala sira mós la sufisiente, maske kama iha HNGV ne’e 300 ba leten, maibé pasiente ne’ebé maka mai liu husi númeru ne’e,” Diretora Jeral DJPS-MS ba Grupo Média Nacional (GMN), hafoin ensera treinamentu ba profisional saúde husi Munisípiu 12, inklui Rejiaun Espesial Autonómia Oecusse-Ambeno iha salaun Timor Plaza-Díli.

Nia esplika, HNGV laiha espasu atu akumula pasiente sira ne’e, tanba sentru saúde sira la funsiona máximu, atende pasiente sira ne’ebé maka partensia ba sira-nia sentru.

“Maski ita hatene katak funsionamentu sentru saúde sira iha Díli laran ne’e la’o laduun diak, ita espera katak sei funsiona máximu, atu nune’e bele atende kazu balun, maibé ita mós haree katak komunidade ou pasiente barak maka hakarak hala’i liu ba HNGV,” dehan Odete Viegas.

Nia akresenta, tanba pasiente sira hakarak konsentra hotu iha HNGV, maka difikulta funsionamentu HNGV nian, maibé ho autonomia ne’ebé maka HNGV iha espera katak sira bele jere rasik osan no administrasaun, hodi hadi’a kondisaun HNGV iha futuru.

“Ita sei fó nafatin importânsia no apoiu ba HNGV ninia funsionamentu ba oin ne’e, espera katak sira bele hadiak liu tan atendimentu iha HNGV,” haktuir Diretora Jeral DJPS-MS.

Odete Viegas dehan, realidade komunidade Díli sira mós hakarak ba de’it maka HNGV. Tanba ne’e, MS sei hadi’a sistema oinsa maka sentru saúde iha Díli laran tenki funsiona máximu, atu nune’e ema ida-idak ba ninia sentru saúde, kuandu kondisaun emerjensia liu maka bele ba HNGV.

Antes ne’e, médiku sira iha HNGV fo reseita ba pasiente sira hodi ba sosa aimoruk iha framasia privadu sira. Tanba ne’e, halo pasiente sira lamenta ho atendimentu HNGV nian.ves


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker