GMN TV Saude e Educação Egipto hakarak oferese bolsu estudu ba Timor-oan

Egipto hakarak oferese bolsu estudu ba Timor-oan

0 views

Embaixador República Arabe do Egipto (RAE) iha Jakarta-Indonesia, Ahmed Moawad, informa, nasaun RAE hakarak oferese bolsu Estudu ba Timor-oan sira ne’ebé mak hakarak estuda iha Egipto.

Reprezentante nasaun Arabe do Egipto iha Jakarta ne'e hateten, RAE hakarak oferese bolsu estudu ba Timor-oan sira, tanba nasaun Egipto hakarak haree Timor- oan sira ba estuda iha ne’eba hodi hasa’e sira-nia koñesimentu.

"Ha’u mensiona ba prezidente katak ami sempre haksolok hodi simu estudante husi Timor Leste (TL) atu bele ba estuda iha Egipto, ida ne’ebé nu’udar dalan ida hodi hatudu katak ami mos hakarak haree foin sa’e Timor-oan sira atu bele ba estuda iha pozisaun ida ne’ebé mak di’ak hafoin sei termina sira-nia estudu hodi remata universidade ka atu aplika ba iha nivel aas nian,"Reprezentante Nasaun Arabe do Egipto ba Iha Ba Jakarta, Ahmed Moawad, hateten ba jornalista sira hafoin hasoru malu ho Prezidente Repúblika, Francisco Guterres ‘Lu Olo’ iha Palásiu Prezidensial Díli, Kuarta (12/9/2018).

Ahmed haktuir, objetivu husi sorumutu ho PR Lu Olo ne'e alende koalia kona-ba posibilidade nasaun Egipto ne’e atu simu Timor-oan sira ba estuda iha ne’eba, objetivu seluk husi vizita ne'e mos koalia kona-ba relasaun bilateral no multilateral entre nasaun rua ne'e iha tempu agora no ba future mai.

"Ha’u sempre iha dezeju hodi bele mai iha ne'e hodi hasoru ofisial sira espesialmente Prezidente Repúblika no Primeiru Ministru nomos Prezidente Parlamentu Nasional, ha’u haksolok hodi diskuti ho sira kona-ba kooperasaun bilateral no multilateral entre ami ho Timor Leste tanba alende Timor Leste, ami mos iha relasaun kooperasaun ne’ebé mak di’ak no metin iha ONU,”dehan Ahmed.

Tuir planu Embaixador República Arabe do Egipto ne'e mos sei hasoru malu ho Prezidente Parlamentu Nasional, Arão Noe Amaral, molok aranka ba Jakarta- Indonesia.Ola


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker