GMN TV Saude e Educação Komemora aniversáriu Bank Mandiri ba dala 20 ho doasaun ran

Komemora aniversáriu Bank Mandiri ba dala 20 ho doasaun ran

3 views

Atu komemora aniversáriu Bank Mandiri nian ba dala 20, ne’ebé sei monu iha loron rua (2), fulan Outubru, tinan ne'e, hala’o ho doasaun ran hodi ofesere ba Banco de Sangue, Hospital Nacional Guido Valadares (HNGV), tamba iha ona kooperasaun entre Bank Mandiri ho HNGV.

Jeneral Manajer Bank Mandiri, Jan Winston Tambunan, hateten, objetivu husi atividade doasaun ran ne’ebé Bank Mandiri hala’o ne'e nu’udar atividade umanu ne’ebé mak Bank Mandiri hala’o kada tinan hodi komemora aniversáriu Bank Mandiri ninian.

"Atividade doasaun ran ne'e ita halo, tanba ida ne'e nu’udar ajenda rutina ne’ebé durante ne'e Bank Mandiri halo iha kada tinan hodi komemora aniversáriu Bank Mandiri nian. Ne’ebé ita hakarak atu ita-nia pasiente sira senti direta saida mak ita oferese tanba Bank Mandiri nia prezensa iha TL ne'e la’os atu sai inspirasaun ba ema hotu no labele mai para atu buka negósiu de’it, maibe mos tenki halo buat seluk ne’ebé tenki senti diretamente husi pasiente nomos ba ema ne’ebé presiza duni, nune'e komunidade bele senti mos prezensa Bank Mandiri nian iha ne'e mos",Jeneral Manajer, Bank Mandiri, Jan Winston Tambunan, ba GMN iha nia servisu fatin Bank Mandiri, Kaikoli, Díli, Kinta (27/9/2019).

Xefi Unidade Banco de Sangue (BS), Gilberto Madeira, hateten, atividade doasaun ran ne'e nu’udar atividade rutina ne’ebé mak Bank Mandiri hala’o tinan-tinan, ho objetivu atu ajuda pasiente sira ne’ebé mak presiza ran, tanba durante ne'e BS sempre infrenta problema menus ran.

"Ida ne'e inisiativa husi Bank Mandiri rasik, sira mak hakarak halo atividade ida ne'e hodi konvida ami mai hasai, tanba atividade ida ne'e la’os foin primeira vez, maibe dala barak ona ne’ebé ida ne'e sira-nia ajenda rutina ne’ebé mak sira halo kada tinan dala ida iha fulan Outobru, la’e iha fulan Setembru, tanba sira-nia aniversáriu ne'e monu iha loron 2, fulan outubru, entaun liu husi opportunidade ida ne'e ha’u hakarak hato'o obrigado wain ba sira nia apoiu antes ne'e no agora dadauk ne’ebé mak ho voluntariamente oferese ona sira-nia ran",Xefi Unidade Banco de Sangue ne'e agradese.

Entretantu Embaixador Indonesia ba Timor Leste nu’udar mos doador ran, Sahat Sitorus, agradese ba lideransa másimu Bank Mandiri nomos funsionáriu sira ne’ebé mak hala’o atividade doasaun ran refere. Nune’e nia senti kontenti bainhira oferese mos nia ran ba pasiente sira iha Timor- Leste, tanba nia parte hanoin lema Cruz Vermelha nian ne’ebé hatete katak, ‘Ran turuk ida bele salva ema nia vida’.

"Ha’u agradese tebes ba lideransa no funsionáriu Bank Mandiri ne’ebé mak organiza programa ne'e, tanba ha’u rasik volontáriu permanente ne’ebé mak durante ne'e oferese ran ba pasiente sira iha Indonesia. Se ita bele ajuda ho doasaun ran, mak ita sei salva ita-nia maluk sira ne’ebé mak presiza ran ba nia vida",hateten Sahat Sitorus

Antes ne'e, Banco de Sangue Hospital Nacional Guido Valadares, infrenta menus ran ho Grupu ran B nomos Grupu ran A+, ne’ebé mak sai preokupasaun ba família pasiente nomos Banco de Sangue rasik. Tuir planu atividade hanesan mos sei hala’o iha Mesjid Annur, Kampo Alor, Díli.Ola


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker