GMN TV Saude e Educação MS sei ezekuta OJE tuir programa

MS sei ezekuta OJE tuir programa

Diretor Nasional Planeamentu Jestaun Finanseira Ministériu Saúde, Marcelo Amaral, promete sei ezekuta Orsamentu Jeral Estadu (OJE) tinan ne'e, bazeia ba alokasaun no programa ne’ebé iha.

"VIII Governu iha polítika atu muda alokasaun orsamentu ne'e tenki bazeia ba programátiku, entaun importante tebes atu Diretor sira hotu tenki kompriende kona-ba programátiku iha setor Saúde, porque estrutura programátiku ne'e sei hanesan gia ba alokasaun orsamentu ba tempu sira tuir mai,"hateten Diretor Nasional Planeiamentu Jestaun Finanseira Ministériu Saúde, Marcelo Amaral ba GMN iha Ministériu Saúde, Kinta (6/9/2018).

Marcelo haktuir, investimentu instituisaun ida labele halo tinan ida dala ida tanba ne'e Diretor no ofisiais inklui kargu sefia sira presiza hatene oinsa aloka orsamentu tuir programa ne’ebé iha.

"Investimentu ne'e ita labele halo tinan ida halo ida depois tinan ida foin mai ita halo fali buat seluk, ida ne'e lalos ida. Ita tenki konsistente ho ita-nia investimentu dezenvolvimentu iha setor saúde,"Marcelo hateten.

Tuir Marcelo, hakarak ka lakohi alokasaun orsamentu MS tenki ezekuta tuir programa ne’ebé mak iha tanba Ministériu Saúde nu’udar Instituisaun Estadu ne’ebé faz parte husi asuntu sosial ne’ebé kontribui ba redusaun pobreza.

Alende ne'e, Ministériu Saúde mos tenki identifika indikador ne’ebé fo xave ba dezenvolvimentu sosial no ekonomia nasaun nian.

"Tanba ne'e mak soru mutu ida ne'e atu diskuti klean liu kona-ba programátiku ne'e, indikador sira ne'e tanba ida ne'e mak sei sai gia ba sira aban bainrua atu oinsa aloka orsamentu, tanba dala ruma ita bou osan iha fatin ida mas fatin seluk mamuk, ita tenki rasionaliza ita-nia investimentu,"Marcelo dehan.

Antes ne'e Vise Ministru Saúde Asuntu Planu Dezenvolvimentu Estratéjiku Saúde, Bonifacio Maucoli dos Reis, hateten, planu prioridade ba ezekusaun Orsamentu Jeral Estadu tinan ne'e Ministériu Saúde sei fo prioridade ba manutensaun ekipamentu saúde no seluk tan.

Alokasaun Orsamentu Jeral Estadu tinan ne'e, Ministériu Saúde hetan millaun US$ 42. Husi total orsamentu ne'e kategoria ba saláriu vensimentu millaun US$ 22.311.949.00, Bens e servisu US$7.433.781.00, Transferensia públiku millaun US$12.915.00, kapital Menor rihun tolu nulu ($33.00). Total hamutuk millaun US$ 42.660.830.00.Ola


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker