GMN TV Saude e Educação Thailandia oferese ekipamentu detekta dengue ba MS

Thailandia oferese ekipamentu detekta dengue ba MS

0 views

Governu Thailandia liu husi nia reprezentante iha Timor Leste, Danai Karnpoj, ofisialmente intrega ekipamentu saúde hodi detekta moras dengue nian ba Ministériu Saúde (MS).

Embaixador Thailandia ba Timor Leste, Danai Karnpoj, hateten, objetivu husi oferta ne'e atu fasilita pesoal saúde sira oinsa detekta virus dengue.

"Dengue hanesan problema bo’ot ba iha saúde públiku, susuk ne’ebé espalla lalais liu iha rejiaun Aziátiku, ne’ebé bele atraza ita-nia ekonomia iha rejiaun no atrapalla ita-nia metas dezenvolvimentu nian sa’e ba 50-100 millaun ba estimativa infekasaun ba tinan ida iha aprosimadamente nasaun 100 sai hanesan amiasa bo’ot ida ba metade populasaun iha mundu, tanba nia espalla lahatene fronteira, no la presiza vistu, ne’ebé presiza resposta globalmente",embaixador Thailandia Danai Karnpoj iha nia intervensaun, iha seremonia intrega ekipamentu detekta virus moras Dengue nian iha Timor Plaza, Comoro, Díli, Kuarta (26/9/2018).

Danai hateten, luta kontra problema dengue ne'e la’os parte ida nian de’it maibe entidade hotu nian ne’ebé presiza servisu hamutuk hodi fo resposta ne’ebé mak proativu no koletivu.

Tuir nia, Thailandia nomos Timor Leste, iha ona relasaun ne’ebé di’ak tebes dezde inisiu, iha área oi-oin hanesan agrikultura, edukasuan inklui dezenvolvimentu ba rekursu umanu no seluk tan inklui kooperasaun iha área saúde públiku ne’ebé Thailandia iha hanoin no hakarak atu hola parte iha programa refere.

"Thailandia hanesan nasaun ida ne’ebé mak lidera iha rejiaun ida ne'e kona-ba espesialista iha área saúde públika, ami-nia instituisaun saúde públika tolu nolu (30) mak akreditadu husi sentru kolaborador WHO hodi rekoñese espesialista problema oi-oin iha saúde. Ida ne'e hanesan númeru ne’ebé a’as liu entre nasaun ASEAN hotu. Instituisaun kolaboradora ida mak Queen Sirikit National Institute Of Child Healt (QSNICH), ne’ebé mak oferese ona treinador sira ne’ebé mak oras ne'e dadaun prezensa ona iha ne'e",Embaixador ne'e hateten tan.

Iha fatin hanesan Segundu Vise Ministru Saúde Asuntu Planu Dezenvolvimentu Estratéjiku Saúde, Bonifacio Maucoli dos Reis ,husu ba utilizador ekipamentu saúde ne’ebé Governu Thailandia oferese nune'e bele utiliza hodi detekta virus dengue ne’ebé durante ne'e sai preokupasaun ba entidade hotu.

Alende ne'e Vise Ministru Saúde ne'e mos husu ba formandu  sira atu aproveita didi’ak formsaun ne’ebé mak treinador sira fo nune'e bele sai esperiensia ida atu implementa iha idak-idak nia servisu fatin.

"Moras dengue hanesan moras ne’ebé rejista hanesan moras tempu iha TL ne’ebé sai preokupasaun ba ita hotu, tanba ne'e oinsa atu prevene moras ne'e no atu prepara pesoal saúde sira atu bele responde bainhira iha kazu dengue, bazeia ba dadus ne’ebé mak iha hatudu katak kada tinan pelo menus ema nain ida to’o rua tenki mate tanba moras ne'e maske tinan ida ne'e kazu ba moras ida ne'e laiha maibe sai nafatin preokupasaun ba ita hotu. tanba ne'e liu husi oportunidade ida ne'e ha’u husu ba pesoal saúde sira, médiku no infermeiru sira ne’ebé partisipa iha treinamentu ida ne'e atu bele partisipa ho didi’ak",hateten Vise Ministru Saúde  Bonifacio dos Reis Maucoli.

Entertantu Diretor Nasional Saúde Públiku Ministériu Saúde, Pedro Canisio, afirma ,ho ekipamentu inklui treinamentu ne’ebé embaixada Thailandia oferese ba MS ne'e sei utilia didi’ak hodi bele fo rezultadu ne’ebé mak di’ak tanba liu husi ekipamentu no trainamentu ne’ebé mak iha pesoal saúde sira bele hala’o sira-nia knaar ho di’ak no efetivu.

"Ha’u hakarak koalia oituan kona ba formasaun nomos ekipamentu ida ne'e, tanba iha tinan 2005 liu ba ita iha auto perigu bo’ot ida, tanba ita-nia pasiente kuaze nain lima mak mate tanba virus ida ne'e, depois liu tiha tinan 5 iha tinan 2010, 2011, akontese tan entaun ita tauk nune'e ita tenki antesipa hodi servisu hamutuk ho Governu Thailandia atu fo formasaun ba ita-nia médiku sira",dehan Pedro.Ola


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker