GMN TV Saude e Educação Identifika estudante laiha kapasidade finanseira, AUTL aprezenta karta ba PN

Identifika estudante laiha kapasidade finanseira, AUTL aprezenta karta ba PN

0 views

Aliansa Universitáriu Timor-Leste (AUTL) aprezenta ona karta ba Parlamentu Nasionál (PN), liu-liu ba Prezidente PN, komisaun G no F kona-bá rezultadu audénsia ho komisaun sira anteriór atu identifika estudante Ensinu Superiór ne’ebé laiha kapasidade finanseira.

“Ami nia karta audénsia ida ne’e bazeia ba audénsia anteriór ne’ebé hala’o ho ita nia Prezidente PN komisaun G No F iha loron 21, fulan Agostu. Prezidente PN rekomenda mai ami haruka ami atu klasifika no identifika estudante ensinu superiór iha rai-laran ne’ebe laiha kapasidade finanseira sai hanesan dadus ami lori mai aprezenta ba Prezidente PN, komisaun G no F atu bolu Governu rezolve problema ne’ebé Ensinu Superiór iha“, Porta Voz AUTL, Moises Soares Magno ba jornalista sira hafoin entrega karta ba Sekretária Jerál PN, Segunda (07-09-2020).

Moises esplika, AUTL nia preokupasaun koalia kona-bá propinas la’ós husu subsídiu, tanba Governu laiha kapasidade finanseira, tanba atu fó subsídiu estudante tomak iha rai-laran.

“Ami husu ba VIII Governu liu husi Ministériu Ensinu Superiór Siensia no Kultura (MESSK) atu responsabiliza ami estudante rai-laran nia propinas. Dau-daun ne’e ami iha ona dadus durante ne’e ami hala’o servisu lubuk ida atu bele klasifika estudante sira ne’ebé mak laiha kapasidade finanseira mai ami seidauk bele lao tuir loos de’it tuir Prezidente PN nia hakarak”, dehan Moises.

Nia akresenta, kona-bá dadus sei iha hela prosesu diskusaun nia laran, AUTL sei haree estudante sira ne’ebé hakarak livre husi propinas ou haree estudante ne’ebé laiha kapasidade finanseira.

“Husu atu responsabiliza ami nia propinas importante mai ami mak halakon tiha desizaun polítika injustu, ita lakohi ida ne’e sai hanesan kultura ida atu ita nia ukun-na’in sira halo bei-beik. Ita hatene ita-nia sosiedade iha kiak no riku, ema ne’ebé riku, riku ba bei-beik, ida ne’e tanba desizaun polítika injustu ne’ebé gosta kria sistema ka lei sira hodi supa no diskrimina povu   ida ne’e”, tenik Porta Voz AUTL ne’e.

Entretantu iha loron 17, fulan Agostu, AUTL  halo asaun protesta  hasoru MESSK, tanba konsidera hamosu diskriminasuan iha subvensaun ba estudante sira iha rai-laran, relasiona ho desizaun Governu liu husi Konsellu Ministru (KM), aprova dekretu lei númeru 21/2020/ kona-bá alokasaun subvensaun ba estudante Timor-Oan sira iha estranjeiru  durante periódu Estadu Emerjénsia (EE).

Alende ne’e, iha loron 21, fulan Agostu, AUTL hala’o audénsia ho Prezidente PN, komisaun F no komisaun G iha PN, hodi buka solusaun ba sira-nia preokupasaun. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker