GMN TV Saude e Educação Pasajeiru rai-liur la hetan vijilánsia husi MS

Pasajeiru rai-liur la hetan vijilánsia husi MS

0 views

Pasajeiru 30 resin mai ho aviaun ne’ebé World Food Programme (WFP) fasilita, to’o iha Aeroportu Internasionál Nicolau Lobato iha loron 15, fulan ne’e, tuku 09:25 dader, la hetan vijilánsia husi Ministériu Saúde (MS), hodi kontinua ba prosesu kuarentena.

Pasajeiru sira mai ho aviaun ne’ebé WFP fasilita ne’e lori pasajeiru 36 mai Timor-Leste no pasajeiru balun kontinua ba Papua Nova Guiné.

Tuir observasaun GMN iha terenu nota katak, maioria pasajeiru sidadaun estranjeiru ne’e la hetan vijilánsia ruma husi MS, nune’e sidadaun estranjeiru sira ne’ebé hili auto kuarentena maioria fasilita husi organizasaun ne’ebé sira hakna’ar-an ba no otél sira.

Entretantu ba sidadaun sira ne’ebé laiha transporte hodi fasilita tenke hein transporte husi MS kuaze oras 1 resin.

Ho nune’e, Reprezentante WFP iha Timor-Leste, Degeng Liu, esplika pasajeiru sira ne’e maioria pesoál ne’ebé antes ne’e hala’o servisu iha Organizasaun Nasaun Unidas (ONU) iha Timor-Leste, inklui ho doadór sira no sidadaun Timor rasik.

“Ami kontente tebes hodi organiza hikas viajen ba dala-sia ni’an husi Kuala Lumpur, Díli no liu mós Papua Nova Guiné. Pasajeiru sira ne’ebé ohin mai balun sei ba iha otél ou fatin ne’ebé Governu nomeia ona atu hela ba no balun sei hela iha uma ou auto kuarentena, maibé sira ne’e hotu depende regra ne’ebé estabelese ona husi MS”, Reprezentante WFP iha Timor-Leste ne’e iha Aeroportu Internasionál Nicolau Lobato, Tersa (15-09-2020).

Degeng Liu subliña, WFP rasik sei fasilita aviaun mai Governu Timor-Leste to’o de’it ba fulan Outubru, tanba laiha orsamentu, hodi kontinua estende kontratu ba aviaun refere.

“Sei iha tan demanda atu uza aviaun fasilita husi WFP, ita hatene katak voo komersiál ne’e laiha no aviaun WFP sei kontinua semo, maibé tuir orsamentu ne’ebé iha ne’e to’o de’it Outubru, depois de Outubro osan laiha, tanba ne’e WFP apelu ba Governu no doadór sira para oinsa bele ajuda hodi estende tan depois de fulan Outubro, tinan ne’e, tanba ami mós tenta hodi lori traballadór área saúde barak atu bele mai luta kombate COVID-19”, tenik Reprezentante WFP iha Timor-Leste ne’e.

Entretantu, alende tula pasajeiru, aviaun ne’e mós tula medikamentu ho naran Oxygen Concentrate kilograma 1300 mai husi Organizasaun Mundiál Saúde (OMS).

Tuir planu, iha loron 16, fulan ne’e, aviaun refere sei mai fali Timor-Leste, hodi tula fali sidadaun estranjeiru 17 ba iha Kuala Lumpur, Malázia. Ida


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker