GMN TV Saude e Educação Timor-Oan ida iha Israel pozitivu COVID-19

Timor-Oan ida iha Israel pozitivu COVID-19

0 views

Timor-Oan nain 72 ne’ebé ba tuir formasaun kona-bá argikultura avansadu iha Israel, na'in ida pozitivu COVID-19 no dau-daun ne’e izola hela iha nia hela fatin.

Rezultadu ne’e fó sai, hafoin suspeitu sente nia sináis COVID-19, iha loron 9, fulan Setembru ne’e, no ba konsulta iha ospitál iha loron 10, fulan ne’e, iha ospitál Hazheva no ba hikas ospitál boot Be’er Sheva iha loron 13, hodi hasai ran no x-ray, nune’e rezultadu laboratóriu fó sai iha loron 14, fulan ne’e, katak pozitivu.

Sasin hosi suspeitu haktuir, kazu ne’e akontese bainhira formandu Timor-Oan sira ne’e ba vizita Jeruzalem no iha tempu hanesan selebra loron konsulta populár 30 de Agosto ho 4 de Setembro nu’udár masakre Setembro Negro hamutuk.

Maske nune’e, informasaun ne’ebé GMN asesu direta hosi Timor-Oan ne'e katak, ninia kondisaun komesa di’ak uitoan, maske sei infrenta mear no seidauk bele sai husi nia hela fatin.

Hahú loron 18, fulan ne’e, formandu hirak ne’e hetan ona karta hosi Governu Israel, atu ida-idak izola sira nia-an hodi prevene transmisaun COVID-19.

Enkuantu, formandu na'in 41 seluk, ne’ebé foin lalais hamutuk ho suspeitu ne'e ba Jeruzalem, sei halo teste hotu iha tempu badak.

Ministra Negósiu Estranjeiru no Kooperasaun (MNEK), Adaljiza Magno, hateten, nia parte simu ona informasaun kona-bá formandu hirak ne’e nia preokupasaun.

Tanba ne’e, Governu sei esforsu atu bele lori fila Timor-Oan hirak ne’e iha tempu badak.

Hahú fulan Juñu, tinan 2019, Timor-Oan hamutuk 72 tuir formasaun kona-bá agrikultura avansadu iha Israel.

Treinamentu ne'e fasilita husi Ministeriu Agrikultura no Peskas (MAP), Maske nune'e treinamentu ne'e termina ona iha fulan Jullu, tinan ne’e. Say


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker