GMN TV Saude e Educação Timor-Oan pozitivu COVID-19 iha Vera Cruz rekoperadu ona

Timor-Oan pozitivu COVID-19 iha Vera Cruz rekoperadu ona

0 views

Koordenadora Jerál Komisaun Corona Virus Disease 2019 (COVID-19), Odete da Silva Viegas, hateten, Timor-Oan pozitivu COVID-19 ne'ebé tama iha sala izolamentu Vera Cruz iha loron 20, fulan Agostu, tinan ne’e, rekupera ona no fila ona ba uma.

Estudante Timor-Oan refere ho idade 25, to’o iha loron 5, fulan Agostu, ho aviaun Citilink, husi Bali-Indonézia.

"Hakarak atu informa ba públiku katak, dau-daun ne’e ita iha ita-nia pasiente rua (2) pozitivu, 1 tama iha loron 20, fulan Agostu, no 1 tama iha loron 26, fulan Agostu no hakarak informa ba públiku katak, husi pasiente 2 ne’e, 1 tama iha loron 20, fulan Agostu ne’e, halao teste dala-rua tu-tuir malu rezultadu negativu no ohin ita fó sai tan pasiente rekuperadu, aumenta ona ba 26, portantu baixa ba iha Vera Cruz ba ohin loron sei ema ida de’it”, Koordenadora Jerál Komisaun COVID-19 hato’o asuntu ne’e ba jornalista sira iha sentru izolamentu Vera Cruz, Díli, Sesta (04-09-2020).

Tuir Odete, pasiente ne'ebé mak dau-daun baixa ne’e halo ona teste dala ida no nia rezultadu sei pozitivu no sei hein halo tan teste ba dalarua, iha loron 4 ka 5 tuir mai.

“Pasiente ne'ebé mak tama iha dia 26, halo ona teste dala ida no nia rezultadu sei pozitivu, entaun ita sei hein fali loron 4 ou loron 5 pois ita sei halo fali teste, kuandu teste negativu sei repete teste dalarua negativu, foin mak ita bele fó sai ita-nia pasiente ne’e”, tenik nia.

Koordenadora Jerál Komisaun COVID-19 ne’e husu nafatin ba entidade hotu atu kumpre nafatin regra husi Ministeriu Saúde (MS) ho Organizasaun Saúde Mundiál (OMS), hodi prevene-an husi COVID-19.

“Husu ba entidade hotu-hotu atu nafatin prevene-an tuir regra ne'ebé mak MS fo tiha ona hamutuk ho OMS, atu nune'e ita ida-idak atu kuida ita nini’an-an hala’o nafatin medida preventive, atu nune'e ita ida-idak bele hasees ita-nia-an husi moras COVID-19 ne’e rasik. Servisu ida ne'ebé mak MS halo atraves de pilares sira 1 ate 9 nafatin dedika sira nia-an ba hala’o servisu ida ne'ebé mak pilár ida-idak responsabiliza hahú iha servisu sentrais, nune'e mós iha munisípiu sira hotu. Husu nafatin ba públiku atu iha nafatin koordenasaun kooperasaun liu-liu autoridade sira no mós populasaun tomak atu nafatin koopera, tanba dau-daun ne’e mós ita-nia pasajeiru sira nafatin tama depois loron 17”, tenik nia.

Tuir dadus jerál husi MS total konfinementu 205, auto kuarentena 152, pasa ona loron 14 total 3853, total ne'ebé teste hamutuk 5870, hein rezultadu 100, komulativu rezultadu negativu 5735, rekuperadu 26, baixa 1. eni


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker