GMN TV Saude e Educação Bebé ida mate tan, númeru óbitu sa’e ba 80

Bebé ida mate tan, númeru óbitu sa’e ba 80

137 views

Sala Situasaun Sentru Integradu Jestaun Krize (SIJK), rejista tan kazu foun óbitu COVID-19 rua, kompostu bebé (mane) idade fulan 10 no mane ida tan, tinan 58.

Dadus ne’ebé relata husi SIJK ba loron 5, fulan Agostu ne’e hatudu, bebé idade fulan 10 ne’e, inan-aman hela iha Baucau, iha loron 2, fulan Setembru ne’e, diagnónstiku iha Sentru Saúde Riamare, Baucau, identifika Sindroma Insufisiénsia Respiratóriu Aguda (SIRA), “tanba COVID-19. Matebian sofre mós desnutrisaun severa ho ensefalite” informa Koordenadór Jerál Forsa Tarefa no Mitigasaun Surtu COVID-19, Rui Maria de Araújo, iha komunikadu ne’ebé GMN asesa, iha pájina ofisiál Ministériu Saúde, Palacio das Cinzas Segunda (05/09).

Rejista mós mane ida idade (58), nu’udar sidadaun estranjeiru, hela iha Aileu, vasina kompletu. Iha loron 27, fulan Agostu, 2021, diagnostikadu iha HNGV ho Sindroma Insufisiénsia Respiratóriu Aguda (SIRA), tanba COVID-19.

“Família kordena ona ho ekipa saúde, atu hala’o funeral tuir prokolu ne’ebé adopta iha Timor-Leste” haktuir iha komunikadu ne’e.

Iha loron 4, fulan ne’e, rejista mós bebé ida ho idade loron 12, inan husi Postu Administrativu Remexio, Aileu, iha loron 23, iha fulan Agostu liu-ba, moris husi inan ne’ebé seidauk vasina, diagóstiku ho COVID-19.

“Matebian sofre mós sífilis congenital, hafoin moris hetan pneumonia tanba COVID-19” tenik.

Ho kazu óbitu foun ne’e mak, SIJK rejista ona kazu óbitu COVID-19 hamutuk 80.

Dadus ne’ebé relata ba loron 5, fulan ne’e, rejista tan kazu foun pozitivu COVID-19 150, kazu rekuperadu 225, kazu ativu 4.184 no kazu komulativu COVID-19 hamutuk 17.618.GMN


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker