Profisionál Saúde na’in ualu husi Austrália, desloka mai ona Díli, iha loron hirak liu-ba, atu reforsa servisu profisionál Timor-Leste (TL), atende pasiente COVID-19.
Médiku sira ne’e, sei koloka ba iha Sala Izolamentu Vera Cruz, Lahane no Ospitál Nasionál Guido Valadares.
“Ekipa médiku husi Austrália mai Timor ne’e servisu hamutuk ho ekipa pillar 7 management case ba iha parte izolamentu sira hodi hala’o servisu,” informa Vise Kordenadora Forsa Tarrefa no Mitigasaun Surtu COVID-19, Odete da Silva Viegas ba GMN, Kinta (9/9), iha Díli.
Profisionál Saúde na’in ualu ne’e kompostu médiku rua, enfermeiru na’in rua, paramédiku ida, epidemiolojia ida, lojístika ida, no team leader ida. Ekipa ne’e sei hela iha TL kuaze fulan ida.Eni
