GMN TV Saude e Educação Ema 50 mate iha Quelicai, ekipa saúde investiga hela

Ema 50 mate iha Quelicai, ekipa saúde investiga hela

1,565 views

Ministériu Saúde (MS) orienta ona profisionál Saúde, hodi halo investigasaun, kona-ba ema na’in 50 ne’ebé mate iha Postu Administrasaun Quelicai, Munisípiu Baucau.

“Mensajen ne’ebé  ha’u simu hosi autoridade lokál sira mai to’o iha ha’u  katak, iha ema na’in 50 resin mak mate iha fulan ida nian laran, relasiona ho situasaun hirak ne’e, ha’u orienta ona profisionál saúde iha Baucau atu fó informasaun loloos katak númeru ema mate durante fulan ida ne’e iha na’in hira, no sira mate tanba sa’ida”, Ministra Saúde, Odete Maria Freitas Belo, informa asuntu ne’e ba jornalista sira iha armazein SAMES Kampun Alor, Sesta (17/09/2021).

MS deskonfia sidadaun na’in 50 mate iha fulan Setembru ne’e, deskonfia mate ho COVID-19.

Governante ne’e husu ba profisionál saúde Baucau nian atu tau prioridade ba asuntu ema mate iha Quelicai, atu nune’e bele hatene loloos kauza husi ema mate sira mate ho moras ga oinsa.

Dadus ne’ebé GMN asesa, husi Sentru Integradu Jestaun Krize (SIJK) iha loron 17, fulan Setembru ne’e hatudu, iha Munisípiu Baucau, kazu óbitu hamutuk na’in 6.

To’o oras ne’e Timor Leste Rejista ona, kazu komulativu konfirmadu COVID-19 hamutuk 18.994, kazu rekuperadu 16.840, kazu ativu 1.888, kazu mate 103.eni


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker