GMN TV Saude e Educação Fulan Setembru nia laran, númeru ema mate aas iha Baucau

Fulan Setembru nia laran, númeru ema mate aas iha Baucau

272 views

Iha fulan Setembru, tinan ne’e, númeru ema mate iha Baucau hamutuk 195, no sidadaun sira ne’e mate maioria idozu, no moras komplikasaun.

Ho númeru mortalidade aas ne’e, Ministériu Saúde (MS) orienta kedas ekipa husi Ministériu rasik direitamente halo investigasaun, tanba nasaun mós hasoru hela pandemia COVID-19, ne’ebé alastra ona iha territóriu nasionál.

“Sira ba haree fila-fali no rekolla fali dadus, karik sira ne’ebé maka mate iha sintomas ruma ne’ebé maka relevante ho COVID-19 nian, entaun sira mós foti kedas amostra atu bele lori fali mai laboratóriu atu analiza sira nia moras ne’e liga ho ida ne’e kalae” informa Diretór Servisu Saúde Munisípiu Baucau, Domingos Guterres, iha Otél Novo Turismu, Díli Tersa (22/09).

Vise Koordenadora Forsa Tarefa Prevensaun no Mitigasaun Surtu COVID-19, Odete da Silva Viegas, afirma, dadaun ne’e ekipa Saúde, pillar III iha hela terenu, hodi buka tuir motivu husi númeru mortalidade aas ne’e.

“Ida ne’e agora ekipa pilar III tun hela ba  iha hela terenu pois ita sei hatene katak razaun mate loloos ne’e tanba saida, ida ne’e ami presiza tenki iha dadus depois maka atualiza fali ba ita bo’ot sira,” tenik Odete.

Alénde Munisípiu Bauacau, Munisípiu Manatuto, Postu Adminstrativu Natarbora, suku Mane-Haat mós rejista númeru mortalidade hamutuk 12, durante fulan Setembru nia laran.

Diretúr Saúde Munisípiu Manatuto informa, sidadaun ne’ebé mate iha Suku Mane Haat, ne’e maioria ho idade avansadu.

“Loos duni, kazu ne’ebé maka mate iha Munisípiu Manatuto ne’e, sira ne’ebé mate ne’e ho idade 60 ba leten” katak Mateus Vicente Correia.

Tuir dadus ne’ebé Diretór Saúde Munisípiu Baucau relata, kazu mortalidade ne’e kompostu husi Postu Adimistrativu Quelicai na’in 53, Venilale 42, Baucau 34, Laga 31, Baguia 22, no Vemasse 13.

SIJK rejista mós, kazu COVID-19 iha Munisípiu Baucau mak hanesan, komulativu konfirmadu COVID-19 1.373, kazu rekuperadu 1.253,  kazu ativu 114, kazu mate na’in 6.eni


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker