Durante fulan Agostu, tinan ne’e, Ospitál Nasionál Guido Valadares (HNGV-sígla portugés), rejista pasiente COVID-19 hamutuk 303.
Pasiente COVID-19 ne’ebé rejista, ekipa sira deteta liu hosi teste rastreiu ka swab test.
“Sira mai swab test iha HNGV pozitivu ne’e, feto hamutuk 149 no mane 154,” informa Diretór Klínika HNGV, Marcelio Correia ba GMN, Segunda (6/8), iha nia knaar fatin.
Dadus ne’ebé relata husi Diretór ne’e katak, durante fulan Agostu, tinan ne’e, halo triajen ba pasiente sira ne’ebé hala’o tratamentu iha ospitál nasionál, hamutuk rihun 21, pasiente sira ne’e pesoál saúde halo swab test besik rihun 3.
Husi swab test ne’e, deteta mós inan isin-rua balu afetadu COVID-19, no transfere kedas ba izolamnetu Vera Cruz.GMN
