GMN TV Saude e Educação Inísiu fulan Outubru, aula prezensiál hotu iha Díli sei reativa

Inísiu fulan Outubru, aula prezensiál hotu iha Díli sei reativa

614 views

Diretór Jerál Edukasaun no Ensinu Luís Manuel da Costa Fernandes, informa, eskola ensinu báziku hotu iha Munisípiu Díli, tuir ajenda sei reativa aula prezensiál iha inísiu fulan Outubru tinan ne’e.

Tanba tuir dadus ne’ebé parte Ministériu Edukasaun iha, eskola balu taxa vasinasaun kontra COVID-19 besik atinje ona porsentu 80, no balun atinje ona porsentu 80, tuir metas Governu nian.

“Eskola hotu sei reativa, tanba agora dadaun ita haree husi evolusaun ne’ebé akontese depois aplika medida ida ne’e, eskola ida uluk semana liu ba ne’e la priense kritériu, agora dadaun komesa priense kritériu no kuaze hotu-hotu komesa atu priense kritériu para atu reativa hotu, tempu ikus mak ne’e inísiu fulan Outubru eskola hotu reativa ona,” dehan Luís Manuel ba JNDiário, Tersa (28/09), iha nia knaar fatin Ministériu Edukasaun Juventude no Desportu Vila-Verde.

Ba manorin ne’ebé la vasina tanba moras komplikasaun, no manorin feto ne’ebé isin rua, presiza iha justifikasaun no halo karta deklarasaun husi Diretór eskola nian, no semana rua presiza halo teste rastreiu nune’e bele kontinua sira nia servisu.

Koordenadór Eskola Ensinu Báziku Filiál Primeiru no Segundu Síkulu Hans Klemm Bairo-Pite, Lucas da Silva afirma, razaun sira seidauk reativa tanba eskola refere seidauk priense rekezitu atu reativa aula prezensiál nian.

“Hanesan ne’e hela deit labarik sira lakon boot ba ensinu aprendizajen, se bele karik husi leten (MEJD) bele fó fali lia-fuan ida ba ami para sira ne’ebé la vasina bele iha uma lai ba no sira ne’ebé vasina ona bele mai ba, atu nune’e aprendizajen la’o netik hodi nune’e labarik sira labele haluha buat barak ho krize ne’ebé naruk,”katak.

Ensinu Pre-Eskolár iha Díli hamutuk 60, husi númeru ne’e 39 mak reativa ona aula prezensiál no 21 seidauk reativa aula prezensiál. Ba Eskola Ensinu Báziku hamutuk 106, no eskola 80 mak priense ona rekezitu hodi reativa aula prezensiál, no eskola 26 seidauk reativa aula.

Ensinu Sekundáriu Jerál hamutuk 24 maibé 23 mak reativa ona 1 seidauk, no Ensinu Tékniku Vokasionál hamutuk 9, husi númeru ne’e 8 mak reativa ona no eskola 1 maka seidauk reativa.Lau


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker