Ministra Saúde (MS), Odete Maria Freitas Belo, hateten, Ministériu Saúde (MS) seidauk dehan vasina Sinovac la vale no laiha efeitu, ba imunidade ema nian hasoru COVID-19.
“Vasina AstraZeneca ne’e aprova husi Organizasaun Mundial Saúde (OMS), sekarik iha ema ruma koalia kona ba vasina Sinovac ne’e la vale, dala-ruma iha buat ruma ne’ebé maka ema ne’e halo sala, tanba ami MS seidauk koalia kona ba vasina Sinovac vale ka la vale, tanba ita hatene katak koalia kona ba ida ne’e desizaun tenke sai husi MS, la’os husi ema seluk,” dehan Odete Maria Freitas Belo, iha HNGV, Sesta (03/09).
No MS sei buka tuir pesoál seguransa ne’ebé dezakredita vasina sinovac, hodi hateten vasina sinovac la vale no la efetivu.
Antes ne’e elementu PNTL balu iha pontu entrada Tasi-Tolu nian, dehan ba sidadaun ida husi Ermera katak, vasina Sinovac la efetivu no la vale atu halo movimentu.eni
