GMN TV Saude e Educação Númeru pasiente iha klínika Bairo-Pité sa’e, tanba pasiente rejeita ba HNGV

Númeru pasiente iha klínika Bairo-Pité sa’e, tanba pasiente rejeita ba HNGV

359 views

Diretór Klínika Bairo-Píte, Inácio dos Santos, hatete, númeru pasiente baixa iha klínika Bairo-Pité sa’e, tanba pasiente balu rejeita ba hala’o tratamentu iha Hospital Nasional Guido Valadares (HNGV), tanba klínika Bairo-Pite la aplika teste swab obrigatóriu ba pasiente sira ne’ebé halo tratamentu.

“Númeru pasiente sira mai baixa mós sa’e, tanba ita nia pasiente maioria rezeita atu ba Hospital Nasional Guido Valadares (HNGV), entaun númeru iha KBP mós sa’e, ita iha kama, maibé la sufisiente, tanba ita iha kama 45, sei pasiente hotu rezeita ba HNGV, entaun ita nia kama la sufisinete atu fó baixa ba pasiente sira,” hatete Inácio, ba GMN, iha nia knaar fatin, Klínika Bairo-Pite, Kuarta (01/09).

Inácio hatete iha loron liu ba iha pasiente nain 3 ne’ebe presiza tenke transfere ba HNGV tanba presiza médiku espesialista sira mak halao atendementu maibé pasiente sira ne’e maioria rezeita ba HNGV.

“Sira mak rejeita la ba HNGV tanba barak mak ita husu para ba ospitál, maibé sira prefere ba mate iha uma do que sira ba HNGV, ida ne’e maka difikulta tebes servisu iha klínika tanba klínika laiha ekipamentus, rekursu humanu ne’ebe sufisiente,” tenik nia.

Dadus ne’ebé GMN asesa husi klínika ne’e, iha semana ikus ne’e, kuaze pasiente 200 resin mak ba halo tratamentu kada loron.

Iha fulan Jullu tinan ne’e, pasiente moras ispa besik 900, HIV/SIDA Tuberkuloza 200 resin, inan isin rua ne’ebé mai konsulta no partus 400 resin,  mal nutrisaun 100 resin asidente trafégu 100 resin, moras kulit 200 resin, diareia 100 resin.eni


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker