GMN TV Saude e Educação TL rejista kazu óbitu COVID-19 100

TL rejista kazu óbitu COVID-19 100

64 views

Inísiu fulan Abríl to’o Setembru tinan 2021, Timor-Leste (TL) rejista ona kazu óbitu COVID-19 hamutuk 100.

TL rejista kazu mortál COVID-19 ba dahuluk, iha loron 6, fulan Abril, tinan ne’e, no iha loron 15, fulan Setembru ne’e, sidadaun na’in rua mate tan ho COVID-19, nune’e númeru óbitu sa’e ba 100.

Komunikadu imprensa ne’ebe fó sai hosi Sala Situasaun Sentru Integradu Jestaun Krize (SIJK), iha Kuarta (15/09), ne’e dadus jerál ba teritoriu tomak, rejista kazu pozitivu foun COVID-19 hamutuk 71.

Husi númeru ne’e Munisípiu Díli rejista kazu foun 34, Ainaro 5, Baucau 11, Bobonaro 7, Covalima 1, Liquisa 5, Manatuto 8  no Munisípiu lima (5), Aileu, Lautem, Manufahe, Ermera no Viqueque inklui RAEOA la rejista kazu foun. No kazu rekuperadu COVID-19 iha ema na’in 265.

Durante tinan ida resin ne’e TL rejista ona komulativu kazu konfirmadu 18.786, kumulativu rekoperadu 15.930 no kazu ativu 2.756.

Nasaun ne’e rejista kazu positive COVID-19 ba dahuluk hahú iha Marsu 2020, kazu importadu, ne’ebé identifika iha kuarentena, nune’e Governu hola medida prenvesaun sira hanesan implementa Estadu Emerjénsia no Konfinamentu Obrigatóriu hodi kontrola virus ne’e labele hada’et ba komunidade.

Maibe iha tinan ida liu tiha, meadu fulan Fevereiru 2021, Ministeriu Saúde deteta kazu foun iha Covalima no Marsu nia laran iha Munisípiu Díli.

Nune’e Ministériu Saúde kosidera iha ona trasmisaun lokál no lakleur deit ninia nível sa’e ba transmisaun komunitaria to’o ohin loron espalla ona Munisípiu sira hotu, inklui Rejiaun Administrativu Esepsial Oecusse Ambeno (RAEOA).

Ho transmisaun lokal ba transmisaun komunitária, Governu implementa Serka Santintaria no Konfinamentu Domisiliáriu Jerál atu prevene viru ne’e da’et barak liu tan iha komunidade nia leet.

Antes ne’e Governu aprezenta fundu ba COVID-19 nian ba Parlamentu Nasionál hamutuk milaun USD 700, hodi aprova ba sosa vasina kontra COVID-19 no fasilidade sira ba COVID-19 nian iha ospitál sira.

Vasina kontra COVID-19 to’o iha TL iha Abril 2021, no iha fulan 6 nia laran ne’e kuaze porsentu 53 husi populasaun maka simu ona vasina doze dahuluk no doze daruak.Jos  


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker