GMN TV Saude e Educação TL rejista ona óbitu COVID-19 105, no komulativu konfirmadu 19.058

TL rejista ona óbitu COVID-19 105, no komulativu konfirmadu 19.058

232 views

Sala Situasaun Sentru Integradu Jestaun Krije (SIJK), hahú loron 21, fulan Marsu tinan 2020 to’ loron 20 fulan Setembru tinan 2021, rejista ona kazu konfirmadu COVID-19 hamutuk 19.058.

No SIJK mós rejista kazu dahuluk óbitu COVID-19 iha loron 6, fulan Abril 2021 no to’o loron 20, fulan Setembru 2021, rejista ona kazu óbitu COVID-19 hamutuk 105.

Husi kazu sira ne’e, kazu konfirmadu foun iha loron 20, fulan ne’e hamutuk 25, no husi númeru detetadu foun ne’e na’in tolu mak simu ona vasina kompletu, no ida foin simu vasina doze dahuluk, sira seluk seidauk hetan vasina.

No kazu konfirmadu foun ne’e, husi Munisípiu Díli hamutuk 20, no na’in lima husi Munisípiu seluk.

“Rekuperadu foun 127, kazu ativu 1.572, kazu komulativu konfirmadu COVID-19 19.058, no kazu óbitu ida” sita iha komunikadu ne’ebé GMN asesa husi pájina ofisial Ministériu Saúde Palácio das Cinzas, Segunda (20/09).

Enkuantu kona-ba ospitalizasaun, Izolamentu Vera Cruz, Lahane, HNGV no ospitál sira iha territóriu nasionál, halo tratamentu ospitalizadu ba kazu detetadu pozitivu hamutuk 59, husi númeru ne’e grave 8, moderadu 34 no leve 17.

To’o iha loron 19 fulan Setembru tinan ne’e, populasaun ne’ebé simu ona vasina doze dahuluk hamutuk 417,931 reprezenta porsentu 55.4, no populasaun ne’ebé simu ona vasina doze daruak hamutuk 245,038 reprezenta porsentu 32.5.eni


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker