GMN TV Saude e Educação Vasina kompletu kontinua swab, “tanba variante seluk”

Vasina kompletu kontinua swab, “tanba variante seluk”

338 views

Ministra Saúde (MS), Odete Maria Freitas Belo, klarifika, sidadaun sira ne’ebé simu ona vasina dala-rua, tenke teste restreiu ka swab, tanba variante Delta mós sirkula ona iha territóriu nasionál.

“Lala’ok ne’ebé Sentru Integradu Jestaun Krize (SIJK), tenke swab, dala-ruma imi lori tiha kartaun vasina kompletu, ne’ebé ita hotu hatene agora ne’e la’os COVID-19 de’it, nia mai ho variante seluk, agora ema simu vasina kompletu pozitivu nafatin” dehan Ministra Saúde ne’e, iha Ospitál Nasionál Guido Valadares, (03/09).

Nia konsidera, deklarasaun Primeiru Ministru nian ne’ebé hatete sidadaun ne’ebé vasina dala-rua, bele la’o lívre ona iha territóriu nasionál, ne’e hanesan lala’ok ida atu sidadaun sira bele vasina.

“Koalia kona-ba kartaun iha ona Governu hatete dehan sirkulasaun lívre, sim! ida ne’e buat seluk ida, ida ne’e hanesan lala’ok ida Governu hato’o ba iha komunidade katak, se hakarak atu la’o livre tenke vasina uluk” tenik nia.

Governu liu hosi Konsellu Ministru, estende ona Konfinamentu Domisliáriu Jerál (KDJ), ba populasaun Munisípiu Díli, inklui ema ne’ebé mak vasina kompletu,  to’o loron 09 fulan Setembru tinan ne’e.

Dadus vasinasaun ne’ebé relata husi SIJK ba loron 04, fulan Setembru ne’e hatudu, populasaun ho idade 18 ba leten ne’ebé simu ona vasina doze dahuluk atinje ona posentu 52.5, no doze daruak foin atinje porsentu 27.7.eni

 

 


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker