GMN TV Saude e Educação Estudante 15 ba eskola iha Portugal

Estudante 15 ba eskola iha Portugal

Estudante timor-oan nain 15 kontinu sira nia estudu iha eskola pratika agrikula Portugal iha área agrikula, turismo no tekniku vokasional iha nível sekundaria. Estudante hirak nee halo despendida ho Prezidente Fundasaun Instituto Of Busines (IOB), Abel da Costa Freitas Ximenes, ho Embaixador Portugal iha Timor-Leste José Pedro Machado Vieira, Segunda (29/10).

Estudante sira ba eskola iha Portugal ne’e liu husi kooperasaun entre Fundasaun Klibur Mata Dalan ba Kooperativa no Fila Liman ho Ministeriu Edukasaun Timor-Leste, Ministeriu Edukasaun Portugal.

Prosesu ba estudante nain 15 ba eskola iha Portugal ne’e inan aman selu de’it sira nia kustu viagen  Dili to’o Portugal , alojamentu no alimentasaun, la inklui propinas eskola, tamba ne’e Governu Portugues mak responsabiliza.

“Ami servisu hamutuk ho Ministeriu Edukasaun Timor-Leste no Portugal liu husi Embaixador Portugal iha Timor-Leste hodi oferese oportunidade ne’e laos bolseirus ,maibe hanesan kooperasaun entre Timor ho Portugal atu estudante sira ne’e ba eskola tekniku vokasional no sira seluk tan”, dehan  Prezidente Fundasaun Klibur matan dalan ba Koperativa Abel da Costa Freitas Ximenes.

Nunee mos Embaixador Portugal iha Timor-Leste,  José Pedro Machado Vieira, hatete, estudante nain 15 ne’e remata sira nia estudu iha nivel sekundaria sira sei kontinua iha nivel ensinu superior iha Portugal.

Representante inan aman estudante, Fernando Noronha Martins  agradese ba Governu Portugues,tamba bele oferese oportunidade ba nia oan sira hodi hala’o nia estudu iha Portugal.

Nu’udar aman ba estudante promete, sei fo apoiu moral ba nia oan sira nune’e sira bele aproveita didiak oportunidade ne’ebe nia oan hetan.

Iha fatin hanesan estudante, Andre Luis Smith da Costa, promete sei la husik oportunidade ne’e monu ba le’et ,maibe nia garante katak, wanhira nia remata nia estudu sei fila hodi kontribui ba dezenvolvimentu nasaun foun ne’e.

Estudante nain 15 ne’ebe ba hala’o nia estudu ho nivel Sekundaria ne’e durante tinan lima iha eskola pratika agrikula iha Portugal.tos


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker