GMN TV Saude e Educação Fundasaun Kamanggawa INC oferese ran ba HNGV

Fundasaun Kamanggawa INC oferese ran ba HNGV

0 views

Fundasaun Kamanggawa  INC, liu husi  Embaxada Filipina iha Timor-Leste , hala’o atividade doasaun ran ba Hospital Nacional Guido Valadares (HNGV), Díli.

Prezidente Komisaun Organizadora ba Doasaun Ran, Ereberto Zaner, hateten,  objetivu husi atividade doasaun ran ne’e  atu ajuda pasiente Timor-oan sira ne’ebé mak infrenta menus ran.

“Ami nia ajudu ne’e la’os ba nasaun Timor-Leste de’it maibe ba nasaun hotu-hotu iha mundi tomak, ami ajuda ema hotu, no ami nia tarjetu atu  fo ran ne’e kada fulan tolu dala ida maibe tanba ita nia hospital iha ne’e infrenta problema barak entaun tinan ida mak foin fo dala ida mas prontu ami hein de’it se de’it mak atu husu ajuda ami prontu fo”,Prezidente Komisaun Organizadora Ereberto Zaner, ba GMN iha Timor Plaza, Comoro, Sabadu (20/10/2018).

Nune’e mos Embaixador Filipina ba Timor-Leste, Abdulmaik  Muin, afirma, alende ajuda pasinte Timor-oan sira, objetivu seluk husi duasaun ran ne'e mos atu  hametin relasaun amigu entre Timor-oan ho ema Filipina sira ne’ebé durante ne'e iha ona.

“Ida ne’e ajudu humanitaria ne’ebé mak sidadaun Filipina sira halo ba  Povu Timor-Leste liu husi Ministériu Saúde, tanba ran turuk ida bele salva ema nia vida entaun sidadaun Filipina sira iha hakarak no hanoin ne’ebé diak atu ajuda Timor-oan sira ne’ebé mak presiza ran,”,Embaixador  Filipina Abdulmaik Muin hateten.

Xefi unidade Banco de Sangue, Hospital Nasional Guido Valadares, Gilberto Madeira, agradese ba fundasaun Kamanggawa tanba bele oferese ona ran  ba HNGV nune'e maske la rezolve total, maibe bele  responde preokupasaun menus ran ne’ebé durante ne'e HNGV infrenta.

“Ita agradese ba ita nia maluk sira husi Fundasaun Kamanggawa no mos Embaixada Filipina, tanba bele oferese ona sira nia ran, nune’e ita bele dehan ita iha ona stock ran ne’ebé mak sufisiente tanba durante fulan outubru ne’e ita rekolla ona ran hamutuk pakote 200 resin, ida ne’e ita rekolla iha programa doasaun no oras ne’e dadauk stock ne’ebé mak sei iha Banco de Sangue hodi prontu fo ba pasiente ne’e hamutuk 96”,dehan nia.

Tuir planu tempu badak, Fundasaun Kamanggawa mos sei hala’o atividade doasaun ran iha Postu Administrativu Venilale, Munisípiu Baucau.Ola


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker