GMN TV Saude e Educação ME husu profesor hanorin estudante fase liman ho di’ak

ME husu profesor hanorin estudante fase liman ho di’ak

0 views

Ministra Eduksaun Juventude no Desportu, Dulce de Jesus Soares, rekomenda  ba profesor sira atu hanorin estudante sira oinsa  utiliza  material fase liman nian hanesan Be no sabaun  ho di’ak  no responsavel.

Ministra Edukasaun Juventude no Desportu, Dulce  de Jesus Soares, hateten, programa fase liman sai ona material disiplina saúde eskolar  iha eskola hotu-hotu,  tanba ne’e profesor sira iha  kompetensia atu hanorin klean liu tan oinsa fase liman ho sabaun tanba maske liafuan fase liman ne’e fasil, maibe  susar iha nia implementasaun.

“Ha’u husu ba profesor no profesora sira atu hanorin klean liu tan atu nune’e oan sira ne’ebé eskola iha eskola ida ne’e, sei rona importansia husi fase liman  ida ne’e, favor ida ba uma hatete fali ba inan aman, ho alin no maun sira katak hotu-hotu tenki fase liman, tanba husi fase liman mak bele hadook ita husi moras oi-oin mak hanesan, Diareia, mear no seluk tan, afinal buat fase liman ne’e la’os buat todan ida, maibe atu halo ne’e todan teb-tebes”,hatete Dulce de Jesus Soares, liu husi nia intervensaun iha  loron mundial fase liman ho sabaun iha Eskola Ensinu Báziku Sentral Manleuana-Díli, Tersa(23/10/2018).

Dulce haktuir, programa fase liman  lolos buat ne’ebé mak fasil, maibe susar atu implementa tanba bainhira atu haruka oan ida fase liman  hanesan hasoru funu bo’ot  ida, tanba presiza pasiensia no servisu maka’as inan aman nian.

“Hanesan Ministra Edukasaun hamrik iha ne’e kapaas los mas prátika ne’e la’os fasil,  tanba ha’u mos enfrenta, tanba ne’e hakarak hatete ba profesor no profesora sira nomos ba asosiasaun Profesor sira atu ajuda atu bele hato’o mensajen ne’e tanba ida ne’e mak baze aprende ema ida atu hatene“,Ministra Edukasaun ne’e dehan.

Nune’e mos, espoza Prezidente Repúblika, Francisco Guterres ‘Lú Olo’, Cidalia Lopes Mouzinho Guterres, hateten,  programa  fase liman ne’e nu’udar programa ida ne’ebé mak  Ministériu relevante sira hanesan, Ministério Eduksaun, Ministériu Saúde nomos  Parseiru Dezenvolvimentu sira hala’o  kuaze tinan  tolu ona  ho objetivu atu prevene moras infeksaun  sira ne’ebé mak  fasil  hadaet hanesan, Diareia, mear no seluk tan.

Tanba ne’e nia husu ba implementador sira atu  implementa programa refere ho di’ak no rigorozu nune’e bele prevene moras hirak ne’e liu-liu moras Diareia, tanba moras diareia nu’udar moras  Segundu ne’ebé mak  oho labarik kiikoan ho idade  tinan lima mai kraik.

“Programa fase liman ho sabaun atu hadia saúde no salva moris liu husi prevensaun infeksaun ne’ebé mak hadaet husi diarea nomos moras sira seluk  tan,”dehan espoza PR ne’e.

Iha fatin hanesan, Diretora Eskola Ensinu Báziku Sentral  Manleuana, Rosa Alda Maria da Cruz, hateten, eskola prontu orienta Alunu eskola refere atu aprende oinsa prevene-an husi moras hirak ne’ebé mak mensiona liu husi fase liman ho sabaun molok han, antes sintina no raut foer.

“Programa ne’e importante tebes tanba ne’e ami sei  orienta sira oinsa fase liman ne’ebé mak di’a,k tantu iha uma no iha eskola atu nune’e estudante sira bele moris  ho saéde ne’ebé mak di’ak”dehan Rosa Alda Maria da Cruz.

Programa ne’e   realiza tanba hetan apoiu  tékniku no material husi  Parseiru Dezenvolvimentu sira hanesan, UNICEF , Unilever, Water Aid, no seluk tan.Ola

 


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker