GMN TV Saude e Educação MEJD kontinua esforsa hasai sidadaun ne’ebe okupa resintu eskolar

MEJD kontinua esforsa hasai sidadaun ne’ebe okupa resintu eskolar

0 views

Ministériu Edukasaun, Juventudi no Desportu(MEJD) kontinua halo esforsu hodi koordena ho Ministériu relevantes sira atu bele hasai sidadaun ne’ebé okupa iha area resintu eskolar.

Politika hasai sidadaun ne’ebé okupa iha area resintu eskolar nian atu bele fó espasu ne’ebe seguru ba estudante sira hodi bele hala’o prosesu ensinu apredijazem ho diak.

Maibé molok atu hasai sidadaun ne’ebe okupa iha area resintu eskolar Ministériu Edukasaun sei koopera ho autoridade munisipal sira atu bele haree hikas fatin ba maluk sira ne’ebé ME hasai husi resintu eskolar.

“Ita la’os atu ba hasai de’it maibe ami husu teb-tebes, se karik sira ne’ebe mak hela iha resintu eskolar, se karik sira iha uma iha fatin seluk husu sira atu bele hamamuk fatin eskola nian tanba estudante sira presiza tebes fatin ida ne’ebé seguru ba sira atu bele hala’o prosesu aprendijazem ho di’ak. Prosesu ida ne’e la’o kontinua nafatin”,informa Ministra Edukasaun Juventudi no Desportu, Dulce de Jesus Soares ba jornalista hafoin hala’o enkontru ho konsellu koordenasaun Ministeriu Edukasaun ne’ebé kompostu husi membru governu, diretor jeral iha nivel nasional, diretor munisipal sira hodi diskute konaba dezafiu no servisu ne’ebé hala’o ona no planu servisu ne’ebe atu implementa iha futuru mai, iha Salaun Infordepe Ministériu Edukasaun Balide Díli.

Dulce klarifika liutan katak, esforsu atu hasai komunidade sira ne’ebé okupa iha area resintu eskolar ne’e hahú kedas iha V no VI governu konstitusional, iha ne’ebé Ministériu Edukasaun servisu hamutuk ho Ministériu Justiza, Sekretariu Estadu Terras no Propriedades haruka ona karta ba maluk sira ne’ebe okupa resintu eskolar atu hamamuk fatin eskola nian.

Entretantu to’o oras ne’e dadaun komunidade balun kontinua okupa resintu eskolar ba aktividade diária.ías


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker