GMN TV Saude e Educação MS -GEPR distribui sertifikadu ba pesoal PSF Munisípiu 12

MS -GEPR distribui sertifikadu ba pesoal PSF Munisípiu 12

Ministerio Saúde(MS) liu husi, (Saúde Publika), servisu hamtumutuk ho Gabineti, Espoja Prezidente Republika (GE-PR) Fancisco Guterres Lu-OLo,Sidalia Muzinho Guterres distribui sertifikadu rekuinesementu ba ekipa Promotor Saúde Familia (PSF),hamutuk nain atus rua resin husi Munisípiu 12 inklui Reziaun administrativu Oekusi.

Segundo Vice Ministru Saúde Asuntu Planu Dezenvolvimentu Estratejiku Saúde (PDES), Bonifacio Maucoli Dos Reis hateten, objetivu husi distribuisaun sertifikadu rekuinesementu ne'e, nudar rekuinesementu MS no GEPR nian ba pesoal PSF sira ne’ebé mak durante ne'e sai liman ain ba pesoal Saúde sira iha area rural, hodi halao aktividade mak hanesan, programa Sisca, Programa Saúde na Familia no Saúde kuidadu familia.

"Hanoin katak prezensa volontariu sira iha MS ne'e importante tebes tanba durante ne'e sira mak sai motivador, edukador,inisiador no faslitador ne'e atu dehan saida sira mak sai nain ba programa hotu-hotu,ne’ebé liafuan ida fehan katak husi ho no ba komunidade,ida ne'e dehan katak husi sira mak inisia no ba duni sira,depois nia benefisiu ne'e ba se,ba duni iha komunidade sira,katak ita kolia kona ba metas ne’ebé mak dehan katak Timor Leste saudavel ida ne'e mak ita tenki fo duni importansia ba iha PSF sira,"Segundo Vice Ministru Saúde, Asuntu Planu Dezenvolvimentu Estratejiku Saúde, Bonifacio Maucoli Dos Reis, hateten ba Jornalista sira, hafoin distribui Sertifikadu rekuinesementu ba pesoal PSF hamutuk nain atus rua resin iha Ministerio Saúde Caicoli Díli (18/10/2018).

Liafuan hanesan mos hato'o husi Espoja Prezidente Republika (PR), Francisco Guterres Lu-Olo, Sidalia Muzinho Lopes Guterres,katak sertifikadu refere laos sertifikadu obrigado maibe sertifikadu rekuinsementu ne’ebé mak parte rua oferese hodi motiva volontariu sira ne’ebé mak durante ne'e halao servisu iha area rural.

"Ida ne'e ita fo hodi motiva ita nia volontariu sira, ne’ebé mak durante ne'e ajuda ona ita nia komunidade sira ne’ebé mak susar asesu Saúde,tanba kestaun distansia, tanba kestaun estrada no tanba kestaun transporte no seluk tan, tanba ne'e mak Governu liu husi MS , halao programa ida ne'e ita hotu apresia no louva,tanba bele kria Ekipa PSF hodi apoio MS nia Programa, liu-liu hakbesik pesoal Saúde ba komunidade iha area remotas no seluk tan,'espoza Prezidente Republika, Francisco Guterres Lu-Olo, Sidalia Muzinho Lopes Guterres.

Abrão Pinto, Koordenador PSF, sente kontenti ho distribuisaun sertifikadu refere, maibe kontinua husu ba Ministerio Saúde no Gabineti espoza Prezidente Republika, Atu kontinua fo apoio ba ekipa PSF nune'e bele halao programa hirak ne’ebé mensiona ona iha leten ho diak liu tan no susesu tanba durante ne'e aktividade balun hanesan programa SISCA foin atinji 75% tanba infrenta problema falta kombostivel aimoruk no seluk tan.

"Hau kontenti hetan sertifikadu rekuinesementu ida ne'e tanba maske ami laos pesoal Saúde maibe ami bele hetan sertifikadu ida ne'e, maibe liu husi oportunidade ida ne'e hau hakarak husu ba MS no GEPR, apoio ami ho diak liu tan liu-liu apoio kona kombostivel, aimoruk no seluk tan atu nune'e ami bele halao ami nia aktividade ho diak no susesu,"Abrão Pinto preokupa.

Tuir Planu MS no Gabineti Espoja Prezidente Republika sei, kria aktividade treinamentu no formasaun ba pesoal PSF sira.

Partisipa iha seremonia Distribuisaun Sertifikadu ne'e, Segundo Vice Ministru Saúde, Espoja Prezidente Republika, Diretor Jeral Prestasaun servisu Ministerio Saúde,Country Director, Organijasaun Saúde Mundial, Diretor Hospital Nasional Guido Valadares, Diretor Saúde Munisípiu Sanolu resin rua, inklui Rejiaun Administrativu Oekusi, funsionariu MS balun inklui pesoal PSF sira.Ola


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker