GMN TV Saude e Educação MS sei koloka ekipa inspesaun observa PS Labitin

MS sei koloka ekipa inspesaun observa PS Labitin

0 views

Segundu Vise Ministru Saúde (VMS), Asuntu Planu Dezenvolvimentu Extratejiku Saúde, Bonifacio Maucoli dos Reis promete , sei koloka ekipa inspesaun jeral Ministériu Saúde nian hodi ba haree diretamente kauza husi Postu Saúde (PS) Labitin, Postu Administrativu Laklo, Munisípiu Manatuto ne’ebé mak abandonadu.

Segundu Vise Ministru saúde Asuntu Planu Dezenvolvimentu Extratejiku Saúde, Bonifacio Dos Reis Maucoli, hateten, notísia ne’ebé mak GMN fo sai hanesan informasaun ida ba MS tanba ne'e sei koloka ekipa inspesaun ba fatin refere hodi haree diretamente kondisaun PS refere no hatene problema saida mak akontese iha fatin ne'e hodi impede pesoal saúde sira labele ba hala’o atendimentu tanba normalmente kada tinan, MS sempre halo kolokasaun médiku sira iha Munisípiu hotu iha teritoriu tomak.

"Liga ba rekursu umanu, ita koloka ona médiku, infermeiru no parteira sira iha postu saúde hotu iha teritoriu tomak maibe fila-fali ba rekonsentrasaun ne’ebé mak ita halo tiha ona ho prezidente autoridade munisípiu sira, ita fo ona kompetensia ba sira para rekursu umanu ne’ebé mak ita koloka ona ba sira ne'e, sira bele koloka ba iha Postu saúde sira n'ebe mak iha ne’ebé atu halo tratamentu saúde ba ita nia populasaun sira maibe prontu notísia ne'e hanesan informasaun ida ba ami, no ami sei haree ida ne'e",Segundu Vise Ministru Saúde, Asuntu Planu Dezenvolvimentu Estrateziku Saúde, Bonifacio Maucoli Dos Reis hateten ba GMN, iha Ministerio Finansas Tersa (16/10/2018)hodi responde ba preokupasaun komunidade Aldeia Labitin Postu Administrativu Laklo, Munisipiu Manatuto, kona ba PS ne’ebé mak abandona tanba laiha pesoal saúde.

Bonifacio hateten, polítika Ministériu Saúde nian, bainhira Postu Saúde harii ona hakarak ka lakohi tenki koloka mos rekursu umanu ne’ebé mak sufisiente mos tantu ema no mos ekipamentu atu nune'e bele halo tratamentu ba komunidade sira ne’ebé mak presiza tratamentu.

"Tanba ne'e se agora akontese hanesan ne'e ami sei buka tuir hodi hatene nia problema ne'e iha ne’ebé karik problema ne'e iha Munisípiu ka  rekursu umanu mak lato’o duni? Se la to’o duni ami sei haree husi parte polítika nian para oinsa rekruta tan profisional saúde sira ba iha neba hodi nune'e bele garante saúde ne’ebé di’ak ba ita-nia komunidade sira”,dehan Bonifacio.

Total populasaun iha Suku Laicore ne’ebé mak tuir planu sei asesu saúde iha Postu Saúde refere hamutuk nain 300.Ola


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker